هشكه‌سالیێ ئاڤا سێ گوندان ل پارێزگه‌ها دهۆكێ هشك كریه
شێخان، بارزان مزووری:
رێڤه‌به‌رێ ئاڤا ده‌وروبه‌رێن پارێزگه‌ها دهۆكێ بۆ رۆژناما ئه‌ڤرۆ دیار كر، هشكه‌سالیێ كارتێكرنه‌كا مه‌زن ل پارێزگه‌ها دهۆكێ كریه، ب تایبه‌ت ده‌ڤه‌رێن گوندنشین ئه‌و ده‌ڤه‌رێن ژێده‌رێ ئاڤا وان، ئاڤا ژێر ئه‌رد، ژ به‌ركو یه كووراتیا ئاڤێ یا چوویه خار و ل هنده‌ك جهان گه‌هشتیه شه‌ش مه‌تران و زێده‌تر، ل هنده‌ك گوندان ژی ئاڤا وان یا كانیا هشكبوویه.
خه‌لات فه‌تاح، رێڤه‌به‌رێ ئاڤا ده‌وروبه‌رێن پارێزگه‌ها دهۆكێ گۆت: “هه‌تا نوكه سێ گوندان ل پارێزگه‌ها دهۆكێ ژ به‌ر هشكه‌سالیێ ئاڤا وان یا ڤه‌خوارنێ ب ئێكجاری هشكبوویه، ئاڤا ئێك ژ وان گوندان یا هاتیه چاره‌سه‌ركرن دو گوندێن دی ژی ئه‌م یێ بزاڤێ دكه‌ین ئاڤێ بۆ وان دابین بكه‌ین”.
ناڤهاتی خویا كر، ره‌وشا پارێزگه‌ها دهۆكێ ژ پارێزگه‌هێن دی یێن هه‌رێما كوردستانێ باشتره و گۆت: “ئه‌م به‌رده‌وام بزاڤا دكه‌ین كو خه‌لكێ مه بێ ئاڤ نه‌مینیت و ئاڤا ڤه‌خوارنێ بۆ وان دابین بكه‌ین”.
