هشكەسالیێ بەرهەمئینانا برنجێ كـوردی ل ئاكرێ كێمكریە
رەمەزان زەكەریا:
ل سنۆرێ ئاكرێ دەست ب دروینا برنجێ كوردی هاتیە كرن، برنجێ ئاكرێ ل سەر ئاستێ كوردستانێ یێ ناڤدارە، بەلێ ئەڤ سالە ژ بەر هشكەسالیێ رێژا بەرهەمئینانا برنجی ژ سالا بۆری كێمترە.
شیرزاد محەمەد، جۆتیارەكێ دەڤەرا ئاكرێیە بۆ ئەڤرۆ گۆت: «برنجێ دەڤەرێ ل سەر ئاستێ كوردستانێ یێ ناڤدارە و خواستەكا باش ل سەر هەیە، دیسا بۆ دەرڤەی كوردستانێ ژی دهێتە هنارتن».
ئەندازیار فازل مستەفا، رێڤەبەرێ چاندنا ئاكرێ بۆ ئەڤرۆ گۆت: «د ئەڤ سالە دا هەشت هزار دۆنەمێن ئەردی ب برنجی هاتینە چاندن، پێشبینی دهێتە كرن، حەفت هزار تەنێن برنجی بهێنە بەرهەمئینان، پار 12 هزار دۆنەم هاتبوونە چاندن و یازدە هزار تەن بەرهەم هاتبوون، لێ ئەڤ سالە ژ بەر هشكەسالیێ بەرهەم كێمبوویە».
