هشیاری كرینا مۆبایلێن دەستێ دویێ بە
ئەڤرۆ
پاتریێن لیسیۆم ئەیون ژیەكێ دەستنیشانكری یێ هەیی، ب هژمارا خولێن زڤرینا بارگێ دهێنە نیاسین ئەوێن زێدەتر د ناڤبەرا 300 بۆ 500 خولان دا. ل گەل بكارئینانا مۆبایلێ ب رەنگەكێ بەردەوام بەر ب كێمبوونێ ڤە دچیت، ژ بەر هندێ پێدڤیە بزانی كا چەند خولێن پاتریێ چووینە بەری بكری یان ژی هەكە ئێكا نوو بكری، كا د بنیات دا چەند خول هەنە.
نە سامسونگ و نەژی چو كۆمپانیێن دی چو جهێن تایبەت نینن كو ئەڤ پێزانینە تێدا بن، ژ بەر هندێ ژی دشیان دایە پشت بەستنێ ل سەر ئەپێ بێ بەرامبەر Phone INFO بكەین كو هەموو پێزانینێن بچووك و یێن مەزن ل سەر مۆبایلێ بۆ مە بەرچاڤ دكەت وەكو سالا چێكرنێ و وەلاتێ چێكری و ژمارا رێزبەندا وێ و گەلەك تشتێن دی.
ئەڤی ئەپلیكەیشنی دانلۆد بكە و پاشان ژی بدە كاری و چو ل سەر تە پێدڤی ناكەت ب تنێ دێ چیە پشكا»General» و دێ كەیە «Personal» دا كو هەموو پێزانینێن گرێدایی مۆبایلا تە بۆ تە دیار بكەن بگرە ژ هژمارا جارێن هاتیە بارگەكرن و كا چەند جاران قەلەم هاتیە دەر هەكە تێدا بیت و چەند جاران هێدفون خستینە سەر و چەند خولێن بارگێ هاتینە بكارئینان.
بۆ نمۆنە تە مۆبایەك كری و 635 خولێن بارگەكرنێ دەرباز كربوون ل وی دەمی رێسا دبێژیت ئەو پاتریەكا ژكار كەفتیە و دڤێت بهێتە گوهۆڕین ژ بەر كو یا ژ 500 خولان بوری.
ئەڤ ئەپلیكەیشنە پێدڤیە دەستووریا (رووت)ی یە دا پێزانینێن وەكو چەند جاران هاتیە بارگەكرن و چەند جاران قەلەم دەرخستیە و چەند جاران هێدفون خستیێ دیار بكەن.
