هشیار شه‌هباز: ب هاتنا پیشه‌كاره‌كێ كامیرۆنی گوهۆڕینێن باش دێ هێنه كرن
عەلی حاجی:
د داخویانیەکێ دا سکرتێرێ یانه‌یا زاخۆ یا وەرزشی بۆ رۆژناما ئەڤرۆ دیار کر ئەو دگەل دو پێشەکاران د دانوستاندنێ دانە بۆ قوناغا دویێ یا خولا نایابا کوردستانێ یا تەپا پێی پێخه‌مه‌ت بهێزكرنا هێلا هێرشبه‌ریێ.
زێدەتر هشیار شەهباز گۆت: ژ بۆ ب هێزکرنا تیما زاخۆ دێ چەند گوهۆڕینا ئەنجامدەن ب تایبەتی د هێلا هێرشبەریێ دا ژبەرکوا تیما مە کێماسی د وێ هێلێ دا هەبووینه،ئەم دگەل پێشەکارەکێ کامیرونی گەهشتینە رێککەڤتنا دووماهیێ د دەمەک نێزیک دا دێ ڕاگەهینن، زێدەباری هندێ ژی ئەم یێ دانوستاندنێن بەردەوام داینە دگەل یاریزانێ خوە یێ پێشتر یێ رەگەز ب سوری محەمەد بەڕی دا کو ئەم رازی بکەین پەیوەندیێ ب تیما مە بکەت، ب هاتنا وی یاریزانی ژی دێ تیما مە د هێلا هێرشبەریێ دا ب هێزتر کەڤیت و ئەم بەردەوام ژی کار دکەین ژ بۆ هندێ بشێن تیمەکا باشتر بۆ قوناغا دویێ ژ خولێ بەرهەڤ بکەین و ئێدی وەبکەین تیم پێدڤی ب یاریزانێن تیما مە یا خولا پێشەکارێن ئیراقێ نەبیت ژبەرکو پێشتر یاریزانێن مە یاری بۆ هەردو خولان دکرن و نەرەحەتیەک ژی پەیدابوو ل دەف یاریزانان.
ناڤبری گۆت ژی: مە یاریزانێ خوە یێ ئیرانی ژ تیمێ دوورئێخست ژبەرکو ڕاهێنەر یێ رازی نەبوو ژ ئاستێ وی ئێكێ دیتر یێ خەلکێ زاخۆ پەیوەندی ب مە کریە و ئامادەیە ڤەگەرتە ڤە بۆ ناڤ رێزێن تیما مە دا و مە ژی پێدڤی ب وی یاریزانی هەیە لێ پێدڤیە ئەم دانوستاندنێ دگەل یانا وی بکەین.
