هشیار شه‌هباز: تیما مه شیانێن باشتر یێن هه‌ین
عەلی حاجی:
د داخویانیەکێ دا سکرتێرێ یانەیا زاخۆ یا وەرزشی بۆ رۆژنامەیا ئەڤرۆ دیار کر دگەل بورینا دەمی ئاستێ ڕاستەقینە یێ تیما وان د خولا ستێرێن ئیراقێ یا فوتبۆلێ دا دهێتە دیتن و زاخۆ شێوازێ تایبەت یێ پلانێن یاریکرنێ هەنە.
زێدەتر هشیار شەهباز گۆت: به‌ری دەستپێکرنا وەرزێ نوو یێ خولا ستێرێن ئیراقێ بۆ یارییا فوتبۆلێ وەکو دەستەیا کارگێریا یانەیا زاخۆ یا وەرزشی مه پلانەکا باش ب به‌رنامه بۆ تیما خوه دانایه پێخەمەتی هندێ بشێن تیمەکا رێک و پێک دروست بکەن، لدووف وێ زەحمەتا هاتیە کێشان و راهێنان و دۆڤچوونا به‌رده‌وام مە شیا تیمەکا رێک و پێک دروست بکەین و هەر وەکی د خولێ ژی دا ئاستێ ڕاستەقینە یێ فوتبۆلا زاخۆ دیار بوویه و ئەڤە ئەو تیمە یا کو مە دڤیایی ئاڤا بکەین، هێشتا شیانێن باشتر ژی ل ده‌ڤ ڤێ تیمێ هەنە پێشکێش بکەت و دلێ جه‌ماوه‌رێ دلسۆز و هه‌ر ده‌م ئێكه‌م بێ ڕه‌كابه‌ر ژبەر کو هەر جهەکێ مە دو یاریزانێن باش هەنە و هەموو یاریزان ژی د ئاستەکێ باش دانه و جهێ باوه‌ریێ نه.
ناڤبری گۆت ژی: دگەل بورینا یاریێن خولێ كوڕێن خابووری دێ ئاستەکێ باشتر پێشکێش دکەن و ئه‌نجامێن دلخوه‌شكه‌ر هه‌بن و هەتا ژ روویێ جەستەی ڤە ژی زاخۆ د قوناغەکا باش دایە و هەموو یاری ژی بۆ مە د گرنگن د خولێ دا و دێ بۆ سەرکەڤتنێ یاریێ کەین.
بۆ زانین تیما زاخۆد چار یاریێن گه‌ڕێن بۆری یێن خولا ستێرێن ئیراقێ دا شیایه بێ خوساره‌تی ده‌رباز بكه‌ت دو وه‌كهه‌ڤی دگه‌ل یانه‌یێن ته‌له‌به و نه‌ورۆز و سه‌ركه‌فتن ل سه‌ر یانه‌یێن كه‌ربه‌لا و زه‌ورا.
