هشیار شەهباز: پشتەڤانێن زاخۆ ڕیکۆردا جیهانی شکاندییە
دلۆڤان هالۆ:
د داخۆیانیەکێ دا هشیار شەهباز سکرتێرێ یانەیا زاخۆ بۆ ڕۆژناما ئەڤرۆ دیارکر پشتەڤانێن یانەیێ د هەلبژارتنێن خەلاتێ زەبێست دا شیان 3 ملیۆن و 700 هزار دەنگان ب دەستڤەبینن، ب ئەڤێ چەندێ ڕیکوردا جیهانی شکاندیە، لەورا مافێ وانە هزر د وێ چەندێ دا بکەن کو ناڤێ وان بچیتە د پەرتووکا گینس دا.
ناڤهاتی ئاماژە ب وێ چەندێ ژی کر کو ل سالا بووری د هەلبژارتنێن خەلاتێ زەبێست دا ئەو کەسێ کو پلا ئێکێ ب دەستڤە ئینایی ڤینیسیوس جونیۆر بوو کو 660 هزار دەنگ ب دەستڤەئینابوون، لێ ئەڤ سالە پشتەڤانێن یانا زاخۆ شیان 3 ملیۆن و 700 هزار دەنگان بدەستڤەبینن.
گۆت ژی:د هەڤرکیا هەلبژارتنێن خەلاتێ زەبێست یێ ئەڤ سالە دا دناڤبەرا پشتەڤانێن یانا زاخۆ لگەل هەر دوو بەربژێرێن دی یێن وەلاتێن ئیسپانیا و ئەرجەنجتین، هەموو خەلکێ کوردستانێ دەنگ ب پشتەڤانێن یانا زاخۆ دا، بڤێ چەندێ پشتەڤانێن یانا زاخۆ شیان پلا ئێکێ ب دەستخۆڤە بینن و ڕیکۆردا جیهانی بشکێنن، و بەرەڤ سەرکەفتنەکا دی بچن کو تۆمارکرنا ناڤێ وانە د پەرتووکا گینس دا.
هەژی گۆتنێ یە پشتەڤانێن یانەیا زاخۆ ل ئادارا سالا بۆری د یارییا بەرانبەر یانەیا حدود ژ کۆپا ئیراقێ وەکو دەربرینەک یاریێن زارۆکا هاڤێژت بوونە دناڤأ یاریگەهێ دا بۆ زارۆکێن تووشی پەنچەشێرێ بووین، بوو ئەگەر ئەڤ کریارە فدراسیۆنا فوتبۆلا فیفایێ بەربژاربکەت ئێک ژ لایەنێن دەستڤەئینانا ناسناڤێ زەبێست باشترین پشتەڤانێن جیهانێ و هەڤرکیا پشتەڤانەکێ ئسپانی و ئەرجەنتینی کربوو.
