هشیار فه‌ریق: ژڤانێ قاره‌مانیێ نه گۆنجایه و دبه‌رژوه‌ندیا یاریزانان دا نابیت
ئه‌ڤرۆ،
د داخویانیه‌كێ دا ئه‌ندامێ كارگێری و سه‌رپه‌رشتێ تیما پایسكلڤانێن یانا دهۆك دیاركر ژڤانێ هاتیه دانان بۆ ده‌ستپێكرنا قۆناغا دویێ یا قاره‌مانیا ئیراقێ گۆنجایی نینه و د به‌رژوه‌ندیا یاریزانێن هه‌رێمێ دا نابیت كو بڕیاره هه‌ڤڕكیێن وان ل ده‌ستپێكا هه‌یڤا بهێت باژێرێ سلێمانیێ مێڤانداریا وێ بكه‌ت.
زێده‌تر هشیار فه‌ریق بۆ رۆژناما ئه‌ڤرۆ گۆت: بڕیارا ئێكه‌تیا پایسكلڤانێن ئیراقێ بۆ ده‌ستنیشانكرنا پێنچ هه‌تا نه‌هێ گۆلانا بهێت بۆ ئه‌نجامدانا قۆناغا دویێ یا قاره‌مانیا ئیراقێ سه‌ر ئاستێ پێشكه‌فتی، لاوان و تازه‌پێگه‌هشتی و كچان نه یا گۆنجایه ژبه‌ركو دبه‌رژوه‌ندیا یاریزانێن هه‌رێما كوردستانێ دا نینن ئه‌وێن دێ دوی ده‌می دا وه‌كو قوتابی كه‌فنه لبن تاقیكرنێن دووماهیا سالا خواندنێ به‌روڤاژی یانێن دی یێن ئیراقێ ئه‌وێن تاقیكرنێن وان دووماهیا هه‌یڤا گۆلانێ بن، له‌ورا نه‌رازیبوون په‌یدابوویه ژلایێ یانێن هه‌رێمێ و دێ چاڤه‌ڕێ بن چو هه‌لویست هێته دان، هیڤییا مه ئه‌وه سه‌رۆكێ ئێكه‌تیێ كو ئه‌و كورده دووباره دووڤچوونا ڤێ بابه‌تی بكه‌ت و به‌رژوه‌ندیا یاریزانێن هه‌رێمێ ژی به‌رچاڤ وه‌ربگریت.
ناڤهاتی ئه‌وچه‌نده ژی دیاركر یانا دهۆك دێ لسه‌ر ئاستێ لاوان پشكداری قۆناغا دویێ بیت پشتی ل قۆناغا ئێكێ شیابوو رێزا دویێ بده‌ستخوه ڤه ئیانیی و گۆت:سه‌رباری بڕیارا ئێكه‌تیا ئیراقێ لێ نه‌چارین لدووڤ پلانه‌كا دارێشتی بچن و یاریزانێن مه باشترین به‌رهه‌ڤی هه‌بن و كێمترین زیانێن خواندنێ بگه‌هنێ، ژبه‌ركو بڕیاره‌كا خه‌له‌ت بوو هاتیه دان و دبه‌رژوه‌ندیا یانێن ناڤه‌راست و باشۆرێ ئیراقێ دا بوون.
