هـه‌ڤـڕكـان نه پرۆژەیێن نشتیمانی هه‌نه، نە یێن خزمه‌تگوزاری
غیاس خـالد زێباری
ئازادی و دیموكراسیا كوردستانێ ده‌لیڤه‌یه‌كا به‌رین ژبۆ ئازادیێن سیاسی به‌رجه‌سته‌كریه و چه‌ندین حزبێن سیاسی هاتیه دامه‌زراندن و ب ئازادی پشكداریێ ل هه‌لبژارتنان دكه‌ن، پارتی دیموكراتی كوردستان كه‌ڤنترین و پڕ جه‌ماوه‌رترین پارتیا كوردستانی یه و پێشه‌نگیا بزاڤا رزگاریخوازیا كوردستانێ دكه‌ت. پارتی دیموكراتی كوردستان ل سه‌ر رێبازه‌كا خوه‌دی هه‌لگرا پرۆژه‌یه‌یێن نه‌وه‌یه‌یی و نشتیمانی و په‌روه‌رده‌یی و جڤاكی و خزمه‌تگۆزای هاتیه دامه‌زراندن، ئه‌و ژی رێبازا بارزانی یه، به‌ری دامه‌زراندنا پارتی ب تایبه‌ت لسه‌رده‌مێ شێخ عه‌بدولسه‌لام بارزانی و رێبه‌ر و پێشه‌وایێن پشتی وی، رێبازا بارزانی ژبووی بجئینانا وان پرۆژه‌یان پلان دانایه و خه‌بات بۆ كریه و ژ پێخه‌مه‌ت وان نه‌یار و داگیركارێن كوردستانێ ب هه‌می ره‌نگ و شێوازان به‌رهنگاری لێكریه و پیلان به‌رامبه‌ر دارشتینه، لسه‌ر وان پرۆژه‌یان شێخ عه‌بدولسه‌لام بارزانی ل سالا 1914 هاتیه شه‌هیدكرن و پێشه‌وایێن پشتی وی مینا شێخ ئه‌حمه‌د بارزانی و بارزانی نه‌مر چه‌ندین جاران هاتیه گرتن و دۆرئێخسن، لێ ده‌ست لڤان پرۆژه‌یان به‌رنه‌دا و هه‌تا ب سه‌رۆكایه‌تیا بارزانیێ نه‌مر ل سالا 1946 پارتی دیموكراتی كوردستان دامه‌زراند داكو شێوازێ گه‌هشتن ب وان ئارمانجا رێكخستیتر ببیت. هه‌ر ل وی ده‌می هه‌تا نهۆ پارتی لسه‌ر خه‌باتا خوه یا به‌رده‌وام و قوربانیێن بێ سنوور داینه و ب ڤێ خه‌بات قوربانیێن پارتی ئه‌ڤرۆ گه‌لێ كورد خوه‌دی هه‌رێمه‌كا ده‌ستووری و قانوونی یه و پارتی هێزا پاراستن و ڤه‌ژاندن و بهێزبوونا وێ نه، ل سه‌ر ڤان هه‌لوەستێن نشتیمانی و نه‌ته‌وه‌یی و جڤاكی و ئاڤه‌دانیێ پارتی، پارتی بوویه ئارمانج و نیشانا نه‌یار و دوژمنێن كورد و كوردستانێ، بێ دودلی دبێژین كوردایه‌تی و به‌ره‌ڤانیكرن و ئاڤه‌دانی ب ناڤێ پارتیڤه هاتینه گرێدان، سه‌ره‌رای قه‌یران و ئاسته‌نگێن ده‌ستگرد، ئه‌نجامدانا هزاران پرۆژێن خزمه‌تگۆزای ل كوردستانێ ب پرۆژه و پلانێن پارتی باشترین به‌ڵگه‌نه لسه‌ر ڤێ چه‌ندێ. لێ حزبێن هه‌ڤڕكێن پارتی، چ ئه‌وێن به‌شه‌ك ل ده‌ستهه‌لاتێ یان ئه‌وێن خوه ب ئۆپۆزسیۆن دزانن و زۆر جاران پارتی تاوانبار دكه‌ن، ژلایێ پرۆژێن نه‌ته‌وی و ئاڤه‌دانی و سه‌قامگیریێ د ده‌ست به‌تال و مفلسن، چونكی وان نه‌شیایه باشتره بێژین نه وێرایه لده‌مێ هێرشێن ل دژی ئاسایشا نه‌ته‌وی و جڤاكی و ئابووریا كوردستانێ بچۆكترین هه‌لوەست هه‌بیت و هنده‌ك جاران بووینه پشته‌ڤان و رێنیشاده‌رێن وان هێرشان، ژ لایێ پرۆژەیێن خزمه‌تگۆزای ژی نه‌شیانه چاریكیا ده‌ڤه‌رێن دیتر خزمه‌تا ده‌ڤه‌رێن ژبن ده‌ستهه‌ڵاتا خوه بكه‌ن، ئه‌ڤرۆ د گه‌رماتیا هه‌لمه‌تا بانگه‌شا هه‌لبژارتنێن جڤاتا نوونه‌رێن ئیراقێ، چ پرۆژه نینه شانازیێ پێ بكه‌ن و سۆزا خه‌لكی ڕابكێشن، ژبلی پڕوپاكندێن بێ بنه‌ما یێن تاوانباركرنا پارتی. خه‌لكێ كوردستانێ ب هشیاری ره‌وشێ د هه‌لسه‌نگینیت و خزمه‌تكار و هه‌لگرێن پرۆژێن نه‌ته‌وی و نشتیمانی ل گه‌ل لایه‌نێن مفلس و بێ پرۆژه ژێك جودا دكه‌ت و دێ ده‌نگێ پڕانیا خه‌لكێ كوردستانێ بۆ لیستا 275 یا پارتی بیت، چونگی پرۆژێن پارتی پێدڤیا جڤاكێ كوردستانێ نه.