هـواوی ئێدی ئـه‌ندرۆیدی ب كـار نائینیت
ئه‌ژده‌هایێ چینی ب فه‌رمی راگه‌هاند كو ئه‌و دێ خوه ژ سیسته‌مێ كاركرنێ یێ مۆبایلان (ئه‌ندرۆید) ده‌ته جوداكرن و سیسته‌مه‌كێ نوو یێ كاركرنێ ده‌ته كاری و چو ئه‌پلیكه‌یشنێن سیسته‌مێ ئه‌ندرۆید ناهێلیته د ناڤ مۆبایلێن خوه دا.
كۆمپانیا هواوی یا چینی راگه‌هاند كو ئه‌و دێ پشت به‌ستنێ ل سه‌ر (HarmonyOS) كه‌ت وه‌كو سیسته‌مێ كاركرنێ یێ مۆبایلێن وێ. ئه‌ڤ سیسته‌مه ب ته‌مامی دێ یێ جودا بیت ژ سیسته‌مێ ئه‌ندرۆید و چو په‌یوه‌ندی ب وان ڤه نابیت و چو ئه‌پلیكه‌یشنێن ئه‌ندرۆید ب خوه ڤه ناگریت.
گه‌له‌ك ژ كۆمپانیێن جیهانی یێن خودان ئه‌پلیكه‌یشنێن مه‌زن ژی، ئاماده‌یا خوه ژی بۆ ڤی سیسته‌مێ كاركرنێ دیاركریه و به‌رنامه بۆ ڤی سیسته‌مێ كاركرنێ ئاماده‌كرینه، هه‌موو ژی ئه‌پلیكه‌یشنێن ئورجینالن و تایبه‌ت بۆ ڤی سیسته‌می هاتینه دروستكرن.
دهێته پێشبینیكرن كو زێده‌تر 900 ملیۆن مۆبایلان ب ڤی سیسته‌مێ كاركرنێ كار بكه‌ن و كۆمپانیا ناڤبری راگه‌هاند ژی كو ئه‌ڤ سیسته‌مێ كاركرنێ دشیان دایه، 30% شیانێن ئامیرێ مۆبایلێ باشتر لێ بكه‌ت و ب تایبه‌ت ژی یێ پاتریێ ب ره‌نگه‌كی دێ د رۆژێ دا بۆ 56 ده‌قیقان ژیێ وێ درێژتر لێ كه‌ت.
