هـۆتێلا بـەری دێ هێتە ڤــەكــرن
دهۆك، لەزگین جوقی:
رێڤەبەریا گشتی یا وەبەرهێنانێ ل پارێزگەها دهۆكێ دیار كر، هۆتێلا بەری ل ناوچەداریا سەرسنكێ براندەكێ گەشتیارییە ل هەرێما كوردستانێ، كو ل سەر شێوازێ دیرۆكی هاتیە نووژەنكرن.
د. هەڤال سەدیق، رێڤەبەرێ گشتی یێ وەبەرهێنانێ ل پارێزگەها دهۆكێ بۆ رۆژناما ئەڤرۆ گۆت: «پڕۆژە ژ 85 ژوورێن نڤستنێ ل گەل ژوورێن تایبەت و هۆلێن كۆمبوون و ئاهەنگ و مەلەڤانگەهـ و باخچە و پارك و جهێن خزمەتگوزاری پێك دهێت». د. هەڤال گۆتژی: «پڕۆژە ل سەر رووبەرێ 14 هزار و 920 مەترێن دوجایە و ب گوژمێ پتر ژ چار ملیۆن دۆلاران هاتیە چێكرن و ب سەدان دەرفەتێن كاری بۆ خەلكێ دەڤەرێ دێ دابین كەت».
