هندرین سه‌فه‌ر: ده‌مێ ئه‌م دچینه ماله‌كێ حه‌زدكه‌ین سنورێ شه‌رمێ بشكێنن
دهۆك، شاكر ئه‌تروشی:
هندرین سه‌فه‌ر، ئاماده‌كار و پێشكێشكارا به‌رنامێ مێهڤانداری ل كه‌نالی ( ) یێ عه‌سمانی، د دیداره‌كێ دا بۆ رۆژناما ئه‌ڤرۆ گۆت: پشتی بۆ ده‌مێ كێمتر ژ ساله‌كێ ژ شاشێ دووركه‌فتیم، جاره‌كا دی ئه‌ز دیاربوومه ڤه و نوكه به‌رنامێ ناڤبری ب شێوێ حه‌فتیانه ئاماده و پێشكێش دكه‌م و مه بزاڤا كری شێوازێ به‌رنامه‌ی یێ جودا بیت، ئانكو جڤاكی هه‌مه‌ره‌نگ بیت، هه‌روه‌سا مه به‌رنامه ژ ناڤ ستۆدیۆیێ بریه مالان و ب من وه‌ره ئه‌ڤه ژی تشته‌كێ باشه.
ناڤهاتیێ گۆت: شێوازێ به‌رنامه یێ هوسایه ئه‌م دێ ته‌له‌فۆنێ بۆ كه‌ین و بێژینێ فلان رۆژێ دێ هێینه مالا هه‌وه به‌س هیڤی دكه‌ین بتنێ خوارنه‌كێ چێكه‌ن و مه‌زاختێن زێده نه‌كه‌ن و مه‌ره‌ما مه ل ڤێره ئه‌م خه‌لكێ خوه هانده‌ین كو ده‌مێ مێهڤان بۆ وان دهێن گه‌له‌ك خوارنان چێ نه‌كه‌ن چنكو پتریا وی زه‌عی دبیت و دهێته هاڤێتن، و حه‌زدكه‌ین سنورێ شه‌رمێ بشكێنن و بتنێ خوارنه‌كا سڤك چێكه‌ن دێ گه‌له‌ك باشتر بیت، بۆ زانین هه‌ر وێ سه‌ره‌دانێ دا ئه‌م بابه‌ته‌كێ جڤاكی یێ گه‌رم ژی به‌حس دكه‌ین، بۆ نموونه بابه‌تێ (مایتێكرنێ) ئه‌م چه‌ند كه‌سان، ژوانا ( ماموستایه‌كێ زانكۆیێ، ده‌روناسه‌كی، مه‌لایه‌كی) ل وێرێ به‌رهه‌ڤ دكه‌ین و دانوستاندنێ ل دۆر وی بابه‌تی دكه‌ین و ده‌مێ به‌رنامه‌ی (45) خوله‌كن، هه‌تا نوكه حه‌فت خه‌له‌كه هاتینه تۆماركرن، لێ بتنێ سێ هاتینه نیشادان و ئه‌وێن مای ژی ل ده‌مێ خوه دێ به‌لاڤ بن.
هندرین سه‌فه‌ر فازل، ل سالا 1990 ل دهۆكێ ژدایكبوویه، ل 2007 هاتیه ناڤ وارێ راگه‌هاندنێ و ده‌ستپێكا وی ل كه‌نالێ نه‌ورۆز بوو، دووڤدا ل كه‌نالێن زاگرۆس و وار تیڤی و بلان بازار چه‌ندین به‌رنامه ئاماده و پێشكێشكرینه و ل ڤێ دووماهیێ گرێبه‌سته‌ك ل گه‌ل كه‌نالێ ( ) ئیمزاكریه و ل دووف وێ گرێبه‌ستێ پلانا دانانا چه‌ند به‌رنامێن دی ل به‌ره، ناڤهاتی، دایكا سێ زارۆیانه، ده‌رچوویا زانكۆیا پولیته‌كنیكا دهۆكێ یه، هه‌موو ئه‌ندامێن مالێ ب هه‌ڤژین ڤه پشته‌ڤانن بۆ سه‌رخستنا كارێ وێ.
