هنده‌ك راستیێن دژوار ل دۆر فلفلێن دژوار
ئەڤرۆ نیوز:
فلفلێن دژوار هنده‌ك جارا شیان هه‌نه گوهۆرینان دله‌شێ مرۆڤی دا په‌یدابكه‌ن و هه‌رسكرنێ ب ساناهی بێخن و هنده‌ك جارانژی مفا هه‌نه بۆ ده‌رخستنا كێزكا ل باخچێ مالدا.
فلفلێن دژوار و كێمكرنا سه‌نگی:
تو دشێی مفای ل فلفلێن تیژ وه‌ربگری و ل سه‌ر سفرێ زێده‌بكه‌ی و مفایه‌كێ تایبه‌ت ژێ ببینی بۆ كێمكرنا سه‌نگی، ئه‌ڤه ل دووڤ ئه‌نجامێن ڤه‌كولینه‌كێ دیاربووینه كو پێكهاتێن فلفلێن دژوار رۆله‌كێ سه‌ره‌كی هه‌یه بۆ كریارێن ئاڤاكرنا له‌شی و نه‌هێلانا قه‌له‌ویێ دا، ژبۆ خوشكرنا تاما خوارنێ تو دشێی هنده‌ك فلفلێن دژوار ل خوارنێ بره‌شینی به‌ری هه‌ر تشه‌كی بخوی.
چالاككه‌ره بۆ پێیان:
ره‌نگه تو پتریا ده‌مێ خوه یێ رۆژێ ده‌ربازبكه‌ی ب راوه‌ستیانێ ل سه‌ر پێن خوه، بزانه كو فلفلێن دژوار شیان هه‌نه ئێشانا پێن ته كێم بكه‌ن، ژبه‌ركو كه‌رسته‌ك دناڤدا هه‌یه دبێژنێ ( كابسیسین) ئه‌و كه‌رسته دژواریێ دده‌ته فلفلان و هاریكاره بۆ چالاككرنا خولا خویناوی د پێیان دا، ئه‌ڤه‌ژی ل دووڤ شیره‌تێن شاره‌زایێ خوارنێ ( جیمس ماكیلارس) ل باژێرێ نیومه‌كسیكو.
بۆ هندێ پتر مفای ژێ وه‌ربگری بۆ پێیان تو دشێی كاچكه‌كێ هنگڤینی بكه‌یه د سێنیه‌كێ دا و 1/8 كاچكێ فلفلێن هووركری و دو كاچكێن بچووك یێن خوێ و كاچكه‌كێ خوارنێ ژ زه‌یتێ پێكڤه تێكهه‌ل بكه‌ی هه‌تا وه‌كو هه‌ڤیری لێ دهێت، پاشی هنده‌ك ژ وی هه‌ڤیری بدانه ل سه‌ر پێن خوه بۆ ده‌مێ ده‌قیقه‌كێ تێ بهوسه و پاشی ده‌قیقه‌كێ بهێله و ب ئاڤا تێهن شیر بشوو، به‌لێ هه‌كه ته هه‌ستداریا پیستی هه‌بیت هشیاربی ڤێ رێكێ ب كارنه‌ئینی و هه‌كه ته هه‌ست ب سۆتنێ كر ل شوونا ئارامبوونێ زوو ل سه‌ر پێن خوه رابكه.
ئارامكه‌ره بۆ ئێشانێن مه‌عیده‌ی
ره‌نگه گه‌له‌ك كه‌س وه‌سا هزربكه‌ن كو خوارنا فلفلێن دژوار سه‌ربارك و تێكچوونان دمه‌عیدێ دا په‌یدادكه‌ت، به‌لێ ڤه‌كولین دیاردكه‌ن كو ب كارئینانا فلفلێن د1وار ب شێوه‌یه‌كێ رێكخستی دناڤ خوارنێ دا، نیشانێن نه‌هه‌رسكرنا خوارنێ و سۆتنا مه‌عیده‌ی و ترشاتیێ كێم دكه‌ت، ئه‌ڤه‌ژی ل دووڤ ڤه‌كولینه‌كا كوڤارا (نوشداریا كوئه‌ندامێ هه‌رسكرنێ) به‌لێ باشتره شیره‌تان ژ نوشداره‌كێ تایبه‌تمه‌ند وه‌ربگری هه‌كه ته ئاریشه‌كا مه‌عیده‌ی هه‌بیت.
كێزكا دوور دئێخن
تو دشێی كێزكا ژ باخچێ خوه یێ مال دوور بكه‌ی، تو دزانی چاوا؟ پیچه‌ك ژ توزكا فلفلێن دژوار ل ده‌روبه‌رێ باخچه‌ی و ل بنكێن گیایا بره‌شینه و ل وی ده‌می چو كێزك و تشتێن زیانبه‌خش نامینن، هه‌كه ته بڤێت باشتر زی كاری بكه‌ن، دو كاچكێن فلفلێن دژوار ل گه‌ل ئاڤێ تێكهه‌ل بكه و حه‌فتیێ جاره‌كێ بره‌شینه به‌لێ هه‌كه تو تشتێن باخچه‌ی بۆ خوارنێ ب كاربینی باش ب ئاڤێ بشوو به‌ری دخووی.
ژێدەر/ نۆش نیوز
