هنده‌ك كه‌س پشته‌ڤانیا وان دكه‌ن و هنده‌ك ژی ره‌ت دكه‌ن
عه‌زیز هه‌ورامی:
بابان خه‌لیل، سه‌رپه‌رشتێ گرۆپێ میلۆند باند، كو ئه‌ڤه ده‌مه‌كه ب گرۆپێ وان مۆزیك بیه سه‌رجادێن باژێرێ سلێمانیێ و ب شێوه‌كێ راسته‌وخوه دژه‌نن، د دیداره‌كێ دا بۆ رۆژناما ئه‌ڤرۆ گۆت: مه‌ره‌ما مه ئه‌وه ئه‌م مۆزیكێ ببه‌ینه ناڤ بازاری و ل سه‌ر جادان و راسته‌وخۆ بژه‌نین ژبۆ هندێ كو ئه‌و خه‌لكێ هاتن و چوونێ دكه‌ن پێ دلخۆش بن، هه‌روه‌سا تامه‌كێ ژێ وه‌ربگرن چنكو مۆزیك ئارامیا دلانه.
هێشتا گۆت: گه‌له‌ك جاران ل هولان ئاهه‌نگێن مۆزیكی دهاتنه گێڕان و خه‌لكه‌كی پاره ددان هه‌تا دشیان بچنه ژۆر و وێ ئاهه‌نگێ ببینن، لێ نوكه مه ئه‌و دیوار شكاند و مۆزیك بێ پاره ئینا دناڤ خه‌لكی دا، له‌ورا ده‌مێ ئه‌م ل ناڤ بازاری یان هه‌ر جاده‌كێ مۆزیكێ دژه‌نین خه‌لكێ زۆر ل مه كۆم دبیت و ده‌ستخۆشیێ ل مه دكه‌ن، كو ئه‌و ژی پرانیا وان كه‌سێن دانعه‌مرن و بۆ چالاكیێن مه هنده‌ك كه‌س پشته‌ڤانیا مه دكه‌ن و هنده‌ك ژی مه ره‌ت دكه‌ن، بۆ زانین ئه‌ڤ جۆرێ كلتۆری ئانكو ژه‌نینا مۆزیكێ ل سه‌ر جادان د كه‌ڤندا ل وه‌لاتێن ئۆرۆپی هه‌بوویه، له‌ورا مه ژی ئه‌ڤ پێنگاڤه هاڤێت و مه پێ خۆشه ئه‌ڤ جاده ل كوردستانێ ژی هه‌بیت، چنكو ئه‌و ژوان وه‌لاتان كێمتر نینین، ده‌رباره‌ی پاره‌ی ژی كێم جاران ب مه دهێته دانان، نوزانم ژبه‌ر نه‌بوونا مووچه‌یه یانژی هێشتا خه‌لكه‌ك وێ چه‌ندێ نوزانیت، لێ هه‌ر چاوا بیت ئه‌م گرۆپه‌كی ل سه‌ر جادان كاردكه‌ین و دێ دبه‌رده‌وام بین، و مه هزار دوێ چه‌ندێ ژی دا كری بچینه هه‌ولێرێ و دهۆك ژی به‌لێ هه‌تا نوكه مووله‌ت ب مه نه‌هاتیه دان.
