هنده‌ك ژ تایبه‌تمه‌ندیێن گالاكسی ئولترا 23 هاتنه‌ دیاركرن

پشتی بورینا دو حه‌فتیان ب تنێ‌ ژ كه‌فتنه‌ بازاری یا هه‌ر ئێك ژ Galaxy Z Flip4 و Fold4 نها هنده‌ك پێزانین ل سه‌ر به‌رهه‌مێ‌ داهاتی یێ‌ كۆمپانیا سامسۆنگێ‌ ل به‌ر ده‌ستن كو ئه‌و ژی Samsung Galaxy S23 Ultra یه‌. ئه‌ڤ مۆبایله‌ دێ‌ ژ گرنگترین مۆبایلێن سالا 2023ێ‌ بیت و دبیت ل نیڤا كانوونا ئێكێ‌ یان دووماهیا وێ‌ بكه‌ڤیته‌ بازاری.

به‌ری ژ لایێ‌ كۆمپانیێ‌ ڤه‌ بهێنه‌ به‌لاڤكرن، بۆ هه‌موو كه‌سه‌كی یا دیاره‌ و ب گۆره‌یی Ice Universe ژی كو Galaxy S23 Ultra ب ته‌مامی دێ‌ ژ Galaxy S22 Ultra جودا بیت.

كۆمپانیا سامسۆنگ ل ده‌ستپێكا سالا 2022ێ‌ زنجیرا مۆبایلێن Galaxy S  و Galaxy Note كرنه‌ ئێكێ‌ و ناڤێ‌ وان كره‌ مۆبایلاGalaxy S22 Ultra  خسته‌ بازاری بێ‌ قه‌له‌م S-Pen و مۆبایلا Galaxy S22 و Galaxy S22 Plusب قه‌له‌م.

ئه‌و پێزانینێن ب ده‌ست مه‌ كه‌فتین دیار دكه‌ن كو  – Galaxy S22 Ultra و S23 Ultra ژ لایێ‌ شاشێ‌ و پاتری و دیزاینێ‌ ڤه‌ دێ‌ هه‌ر وه‌كو خوه‌ بن. گرنگترین گوهۆڕین دهێته‌ چاڤه‌رێكرن د پشكا كامیره‌ و پرۆسێسه‌ری دا بهێنه‌ كرن.

نها تشتێ‌ ل به‌ر ده‌ست ئه‌وه‌ كو  Galaxy S22 Ultraدێ‌ دو نووكاریان ب خوه‌ ڤه‌ گریت: چاره‌سه‌ركارێ‌ Qualcomm Snapdragon 8 Gen 2  و ئاگه‌هداركه‌رێ‌ ISOCELL HP2 ب كوالێتیا 200 مێگا پێكسل.

دێ‌ ئه‌ڤ مۆبایله‌ ب هێزتر بیت و شیانێن وێنه‌كێ‌ باشتر هه‌بیت، ئه‌ڤه‌ كورتیا وان پێزانینایه‌ یێن نها بشێین پێشكێشی هه‌وه‌ بكه‌ن ل ڤی ده‌می ل سه‌ر Samsung Galaxy S23 Ultra یا داهاتی. هه‌كه‌ ته‌ بڤێت بكری ژی پێدڤیه‌ یێ‌ بهێن فره‌ه بی چونكو هێش نێزیكی چار هه‌یڤان یێن ماین هه‌تا بكه‌ڤیته‌ بازاری.

کۆمێنتا تە