هندی ژ من بهێت دێ ژ ڕاگەهاندنێ دوور كەڤم
هەرهین محەمەد:
مەدیاكار (مەسعود محەمەد) د دیدارەكێ دا بۆ رۆژنامەیا ئەڤرۆ گۆت: بۆ دەمێ (13) سالان من د ڕاگەهاندنێ دا كاركر و من دیت ڕێز ل ماندیی بوونا من نەهاتە گرتن و بۆچی نەزڤریمە دناڤ ڕاگەهاندنێ دا من دیت ڕاگەهاندن یا بێ بها دبیت و بهایێ خوە یێت ژدەست داین وەكو پێدڤی ڕێز ل پێشەیا ڕاگەهاندكاران ناهێتەگرتن و ژبەرڤان ئەگەران نەچوویمە چ دەزگەهێن دی یێن ڕاگەهاندنێ و هەكە داخواز یا ژ من هاتیەكرن.
هەروەسا گۆت: نوكە كەسەكێ ئازادم و هەردەزگەهەكێ من بڤێت لێ كاربكەم دشێم لێ كاربكەم و كەنالێ كوردستان 24 وەكو مالا خوە دبینم، بەلێ چو مەرج و شەرت ل سەرمن نین كو نەچمە چ دەزگەهێن دی و من لبەرنینە ل چو كەنالان كاربكەم و هندی ژ من بهێت دێ ژ ڕاگەهاندنێ دووركەڤم، چنكو داهاتێ ڕیكلامێ بۆ من گەلەك باشترە ژ داهاتێ ڕاگەهاندنێ و هەر ئەڤە بوو ئەگەرێ سەرەكی و پشتی ئەز بێزار بوویم ژكارێ ڕاگەهاندنێ كو هزر لێ نەكەم و جارەكا دی بزڤڕمە د كارێ ڕاگەهاندنێ دا.
