هندەك دل
وەعد عەبدولرەحمان
هندەك دل گەلەك رەقن
سەرەرایی نە حەقن
رەشاتی تێدا زالە
ژ ڤین و سۆزێ ڤالە
گرنك بۆ وان ئێك خالە
یا وان بڤێت بجه بێت
:: :: ::
ئەزئەزۆك و خۆپەرێس
دل و ناخ چەند بێمەرێز
ب سەرڤە فریشتەنە
چەند وفادارێن مەنە
لێ هۆڤەكێ د واندا
دربوەشە ب هەمی هێز
:: :: ::
دو ڕوینە درەوینن
ب تنێ مە دخاپیننن
ل ژێر ناڤێن هەمەرەنگ
د پەیڤن تێنە دەنگ
جار دفرن ئەو بێ جەنگ
دا ئارمانجا بجهبینن
:: :: ::
دلێن عاشقا دشكێن
گاڤا باوەری پێ تێن
ئەڤین نە بڤی رەنگییە
بەلكو بەرەڤاژییە
قوربانی و دلسۆزییە
وكانیكێن وێ دێ هەر زێن.
