هندەك كەنال دۆر ژ ئتیكێن رۆژنامەڤانی كاردكەن
ئەڤرۆ
دلڤین رەشید:
جێگر رەشــــــید، بــــــــــــەرپرسێ هۆبا راگەهاندنێ ل رێڤەبەریا بەرهنگاربوونا تۆندۆتیژی دژی خێزان و ئافرەتان، د دیدارەكێ دا بۆ رۆژناما ئەڤرۆ دیاركر كو ئەو خەلكێ پارێزگەها هەولێرە و ئەڤە هەڤدە سالن د بۆارێ راگەهاندنێ دا كار دكەت و نوكە پێشكێشكارە ل رادیۆیا دەنگێ یەكسانی.
ناڤهاتی گۆت: ب دیتنا من نوكە هندەك ژ كەنالێن راگەهاندنێ ب شێوازەكی نە پرۆڤیشینال و نە ئەكادمی و دۆر ژ ئیتیكێن رۆژنامەڤانی كاردكەن، ژ ئەگەرێ وێ ئالۆزیا د سۆشیال میدیایێ دا و نەبوونا پەیاما مرۆڤاتی د دەزگەهی دا، بووینە ئەگەر كو كارتێكرنا خوە یا ئێكسەر ل سەر دەرونێ تاكی هەبیت، ب تایبەت ژی بەلاڤبوونا وان دەنگوباس و پێزانین نەگونجایی، چنكو پەیاما ڤان جۆرە میدیایان بتنێ كاركرنە ژبۆ زێدەكرنا بینەران نە بەرب پێشڤەبرنا ئاستێ پێزانین و هشیاریا جڤاكی نە، پێتدڤیە راگەهاندنا مە ل سەر بنەمایێ مرۆڤی كاربكەت نە بوو تێكدانا خێزان و جڤاكی بیت و هیڤیدارم راگەهاندندكارێن مە هزر د ل لایەنێ مرۆڤ بوونێ دا بكەن، بەری بەلاڤكرنا پێزانینان و گرنگە لایەنێ دەروونی و جڤاكی ل بەرچاڤ بهێنە وەرگرتن و پێداچوونەكا باش د بابەتێ خوە دا بكەن و ژێ پشت راست بن بەری بهیتە بەلاڤكرن.
