هندەك پێزانینێن نوو ل دۆر زنجیرەیا مۆبایلێن ئایفۆن 16
وەكو هەرجار، جیهان هەموو چاڤەرێ وان پێزانینانە یێن ب دزی ڤە ل دۆر زنجیرەیا نوو یا مۆبایلێن ئایفۆن بەلاڤ دكەت، هەر مالپەرەك ژی ب رەنگەكی هندەك پێزانین بەلاڤ دكەت، هەلبەت ژی چو ژ ڤان د دروست نینن، هەتا كۆمپانی زنجیرەیا مۆبایلێن خوە ل ئیلۆنا بهێت رابگەهینیت.
بڕیارا كۆمپانیا ئەپل ل ئیلۆنا بهێت زنجیرەیا مۆبایلێن خوە یێن ئایفۆن 16 پرۆ ماكس و ئایفۆن 16 پرو و ئایفۆن 16 پلەس و ئایفۆن 16 بەردەست بكەت.
ب گۆرەیی مالپەرێ «كرەیتڤ بلوك» كۆمپانیا ئەپل دێ چەندین گوهۆڕینان د زنجیرەیا مۆبایلێن خوە یێن نوو دا كەت، وەكو دیاركری ژی كو ئەڤ گوهۆڕینە ژی د ریشەیی نابن، چونكو ئەڤ كۆمپانیێن مەزن ب رەنگەكێ هێدی هێدی گوهۆڕینان ئەنجام ددەن، بەلێ یێن ڤێ جارێ دبیت دەستكاری بیت د قەبارەیی و پاتریێ ژی دا، ژبلی دیزاینێ كو هندەك بەحس ل زێدەكرنا دوكمەكا تایبەت دكەن بۆ گرتنا وێنە و ڤیدیۆیان و هندەك كارێن دی.
ئەڤان پێزانینان دایە دیاركرن كو ئەپل ل بەرە تێكرایێ رۆناهییا شاشەیێ ب رێژەیا 20% زێدە بكەت و بگەهینیتە 1200 نێتان، د دەمەكی دا د ئایفۆن 15 پرۆ دا 1000 نێت بوون دەمێ مۆبایل ل سەر بارێ ستاندارد.
ئاشكەرا ژی كریە كو ئایفون دێ هەستەوەرەكێ ب هێزتر ئێخیتە كامیرا مەزن یا مۆبایلا خوە، دیسا بۆ جارا ئێكێ دێ مۆبایلا ئایفۆن 16 پرۆ ماكس بیتە خودان كامیرەكا 48 مێگا پێكسل یا گۆشە بەرفرەه.
هەستەوەرێ ئایفۆن 16 پرۆ ماكس دێ پشت ب «Sony IMX903» یێ 48 مێگا پێكسل گرێدەت. دهێتە پێشبینیكرن كامیرە ژی ب رەنگەكێ ستوونی وەكو یێن سامسۆنگێ بهێنە ب رێزكرن. ئەڤە ژی دێ كارتێكرنێ ل كارێ ڤیدیۆكرنێ ب رەنگەكێ باشتر كەت.
هندەك پێزانینێن دژی ددەنە دیاركرن كو رەنگە ئەپل قەبارەیێ شاشەیا مۆبایلا ئایفۆن 16 پرۆ زێدە بكەت و ب ڤێ چەندێ كۆمپانی دێ قەبارەیێ پاترییا مۆبایلێ ژی زێدەكەت.
هەروەسا بەری نوكە هاتبوو گۆتن كو ئەپل دێ هندەك مایكرۆفۆنێن نوو بۆ زنجیرا ئایفۆن 16 ژ بۆ باشتركرنا كارێ هاریكاریا دەنگی Siri بەردەستكەت.
هندەك راپۆرتان دیاركرینە كو ئەپل دێ دوگمەیەكا نوو د ئایفۆن 16 دا و ب تایبەت ئایفۆن 16 پرۆ دا زێدەكەت كو دێ بۆ گرتنا وێنەیان و گرتەیێن ڤیدیۆیی زێدەباری هندەك ئەركێن دی یێن گرێدای كامیرەیێ هێتە بكارئینان.
