هندەک خالێن نهێنی د رێککەفتنا روسیا و تورکیا دا هەنە
ئەڤرۆ نیوز:
دەزگەهێن راگەهاندنا تورکیا ب تایبەتی ژی یێن ئۆپۆزسیۆنێ دیار دکەن کو ب رێککەفتنا ڤێ دووماهیێ ئێدی تورکیا نەچارە گاڤ ب گاڤ هەموو هێزێن خوە ژ ئدلبێ ڤەکێشیت و ل ئالیێ دی هەر دەمێ روسیا و سووریێ بڤێن دشێن پێکڤە دەست ب ئۆپەراسیۆنێن سەربازی ل دژی گرۆپێن چەکدار ل ئدلبێ بکەن.
ل گۆر ئۆپۆزسیۆنا تورکیا هندەک خالێن نهێنی د رێککەفتنێ دا هەنە کو تورکیا نەوێریت ژ بەر رەوشا خوە یا ناڤخوەیی بۆ رایا گشتی ئاشکرا بکەت و ئەو خال ژی هەموو د بەرژەوەندیا روسیا و رژێما بەشاری دانە.
