هندەک خوارنێن ب مفا بۆ چارەسەركرنا كێمبوونا پۆتاسيۆمى

پۆتاسيۆم ئێك ژ وان ماددەێن كانزايى يێن گەلەك گرنگە بۆ لەشى، چونكى هاريكارييا رێكخستنا ئاڤا د ناڤ لەشى دا دكەت و بۆ ساخلەمييا دەماران و ماسۆلكان يا پێدڤيە. ئەڤە ژى باشترين 10 جۆرێن خارنێن دەولەمەند ب پۆتاسيۆمى:
– مۆز: بناڤودەنگترين ژێدەرە، هەر مۆزەكا ناڤنجی نێزيكى 400 ملگ پۆتاسيۆم تێدا هەیە.
– پتاتێن شرين: ئێك پەتاتا قەلاندی پتر ژ 500 ملگ پۆتاسيۆم تێدا هەیە.
– ​سپیناغ: سپیناغا كەلاندى كانييا پۆتاسيۆمێیە، هەر كۆپەك نێزيكى 800 ملگ تێدا هەیە.
– ​ئەڤۆكادۆ: زێدەبارى پۆتاسيۆمى (نێزيكى 700 ملگ)، چەوريێن ب مفا تێدا هەنە.
– ئاڤا گويزا هندێ: باشترين ڤەخوارنە بۆ پشتى وەرزشێ، چونكى نێزيكى 600 ملگ پۆتاسيۆم تێدا هەیە.
– ​فاسۆليا سپى: ئێك ژ باشترين ژێدەرێن رووەكى یە، هەر كۆپەك نێزيكى 1000 ملگ تێدا هەیە.
– ماست: نێزيكى 350-400 ملگ پۆتاسيۆم تێدا هەیە و بۆ هەرسا خارنێ ژى گەلەك باشە.
– ​ماسيا سەلمۆن: زێدەبارى ئۆمێگا 3، رێژەکا باش يا پۆتاسيۆمى تێدا هەیە.
– پرتەقال: هەم پۆتاسيۆم هەم ژى ڤيتامين C تێدا هەیە و بۆ بەرگرييا لەشى يا باشە.
خالێن گرنگ:
* ​پێدفيە مرۆڤ سيستەمەكێ خارنێ يێ هەڤسەنگ پەیرەو بكەت.
* ​​پۆتاسيۆم يێ پێدڤيە بۆ پاراستنا دلی و ماسۆلكان.
* ​مەترسييا كێمبوونا پۆتاسيۆمى دشێى ب رێكا ڤان خارنێن سروشتى چارەسەر بكەى.
تێبينييەك:
هەکە تە هەست ب نيشانيێن وەك ماندووبوونا زێدە، ئێشانا ماسۆلكان، يان تێكچوونا لێدانا دلى كر، گەلەك يا گرنگە سەرەدانا نۆشداری بكەى دا كو پشكنينێن پێدڤى بۆ تە ئەنجام بدەت.

کۆمێنتا تە