هندەک نەخۆشی ژی دبنە ئەگەرێ بلندبوونا شەکرێ
د. ئەحمەد تەیار سەدیق، تایبەتمەندیا هویر ب نەخۆشیا شەکرێ و غودێ دیاركر ب شێوه‌یه‌كێ گشتی نەخۆشیا شەکرێ چار جورن، دو جورێن هه‌ره سه‌ره‌كی نه‌خۆشیا ئێكێ و یێ دوێ به‌ربه‌لافترینه، جوره‌كێ دی تا راده‌كی یێ به‌ربه‌لاڤه ل ده‌ف ژنێن دوگیان، و هنده‌ك جاران نه‌خۆشیا شه‌كرێ ژ ئه‌گه‌رێ هنده‌ك نه‌خۆشیێن دی یان چاره‌سه‌ریان چێدبیت و به‌هرا پتر ل ده‌سپێكێ نه‌خۆشی چ نیشانێن دیار نینن، پاش ئه‌گه‌ر نه‌خۆش بو ده‌مه‌كێ درێژ پێنه‌حه‌سیا هنده‌ك نیشان ل ده‌ف دیاردبن وه‌ك زوی زوی تێهنی بوون و ده‌ستئاڤا زراڤ زێده‌دبیت و هنده‌ك جارا كێشا له‌شی كێم دبیت و هنده‌ك جارا دبیته ئه‌گه‌رێ دره‌نگ ساخبوونا برینا جاران نه‌خۆشیێن فتریاتا په‌یدادن، و هنده‌ك نیشانێن دی ژی هه‌نه ره‌نگه پیستێ نه‌خۆشی ره‌نگه‌كێ قه‌هوایی لێ په‌یدا دبیت یان ره‌شبوون و هنده‌كجارا وه‌ك زێدە گوشتی دیاردبیت.
دیارکرژی، ل دویف رێنمایێن كومه‌لا نه‌خۆشیێن شه‌كرێ یێن ئه‌مریكی هه‌ر كه‌سه‌كێ ژیێ وی 35 سال و زێده‌تر بیت پێدڤیه پشكنینا شه‌كرێ ئه‌نجامبده‌ت، هەکە پشكنینا وی باش ده‌ركه‌ت یا باشتر ئه‌وه هه‌ر سێ سالان جاره‌كێ پشكنینان ئه‌نجام بده‌ت، ئه‌و كه‌سێین جورێ ئیكێ د مالدا هه‌بیت یا باش ئه‌وه كه‌س و كارێن وان هه‌ر سێ سالان جاره‌كێ پشكنینان ئه‌نجام بده‌ن، د هنده‌ك حاله‌تان دا ئه‌گه‌ر نه‌خۆشی فشارا خوینێ هه‌بیت یان نه‌خۆشیێن دلی هه‌بن و ئه‌گه‌ر ژنا نه‌خۆشیێن ئه‌كیاسان هه‌بن یان ئه‌وێن پشكنین كرین و نۆشداری گوتبیتێ یا ل سه‌ر لێڤێ پێدڤیه ب كێمی سالێ جاره‌كێ پشكنینێ ئه‌نجام بده‌ن و كه‌سێن قه‌له‌و ژی ئه‌نجام بده‌ن وگوت: بابه‌تێ نه‌كونترۆلكرنا نه‌خۆشیا شه‌كرێ ژ بابه‌تێن گرنگه، و ڤێ چه‌ندێ ژی چه‌ندین ئه‌گه‌ر هه‌نه هنده‌ك ژ وان ئه‌گه‌ران گرێدایی نه‌خۆشی نه و هنده‌ك ژی گرێداری سیسته‌م و ره‌نگه نۆشدار و ستافێ چاڤدێریا نه‌خۆشێن شه‌كرێ دكه‌ن، ئه‌و ئه‌گه‌رێن نه‌خۆش دشێت كونترۆلێ بكه‌ت ئێك ژ وان پێگریكرن ب خوارنێ و جورێ خوارنێ و نه ئه‌نجامدانا وه‌رزشێ و نه‌پێگریكرن ب چاره‌سه‌ریان و جگاره كێشان و ل ڤان دووماهیان ڤه‌كولین دیاردكه‌ن ئه‌گه‌ره‌كێ راسته‌خۆیه كو رێژا شه‌كرێ نه‌هێته خارێ، ئه‌ف ئه‌گه‌ره د ده‌ستێ نه‌خۆشی دانه، و گوتژی: هنده‌ك ئه‌گه‌رێن دی هه‌نه سیسته‌مێ ساخله‌می ژێ به‌رپرسه ژ ستافێ دگریت و نۆشداری بو نمونه چاڤدێریكرنا به‌رده‌وام یا نه‌خۆشێ شه‌كرێ و گوهداریكرنا نه‌خۆشی و بابه‌ت ب درێژی بو بهێته به‌حسكرن و دێ چاوا خۆپارێزیت و چ وه‌رزشێ بكه‌ت و چاوا چاره‌سه‌ریێ وه‌رگریت و پێدڤیه تایبه‌تمه‌ندێن خوارنێ هه‌بن رێنمایان بده‌نه نه‌خۆشان و نێرسێن تایبه‌ت هه‌بن ب چاره‌سه‌ریا نه‌خۆشیا شه‌كرێ، هنده‌ك ئه‌گه‌رێن دی هه‌نه وه‌ك نه‌كونترۆلكرنا فشارا خۆینێ و دوهنیات ددروست نه‌بن و بارێ ئابوری ژی كارتێكرنێ دكه‌ت ده‌مێ نه‌خۆش پێدڤی ب هنده‌ك چاره‌سه‌ریان دبیت و نه‌شێت دابین بكه‌ت، ئەف ئه‌گه‌ره گه‌له‌ك دگرنگن و دیفچوون بو بهێته‌كرن بوچێ ئه‌ف رێژا كونترۆلكرنێ یا كێمه د جڤاكێ مه‌دا.
