هندەک نەخۆشی ژ ئەگەرێ کێمیا ڤیتامین سی پەیدادبن
ڤیتامین سی ئێکە ژ گرنگترین پێکهاتان کۆ لەشی پێدڤی پێ هەیە، ڕۆلەکێ سەرەکی دگێڕیت ل بەرەف پێشڤەبرنا ساخلەمیێ.
د ڕاپۆرتەکا ماڵپەڕی “Healthline”دا بەلاڤکریە، ڤیتامین سی هاریکاریا چاکبوونا برینان و بەرهنگاربوونا هەوکرنان و دروستکرنا کۆلاجینی ددەت کو پرۆتینەکە پاڵپشتیا پیستی و هەستس و خوینبەرێن ساخلەم دکەت.
ل ڤێرەدا ئەوان نەخۆشیێن بەرچاڤ دێ دیارکەین کو ژ ئەگەرێ کێمیا ئاستێ ڤیتامین Cدروست دبن:
– خوینبەربوونا پێدیا: بەربەلافترین نەخۆشییە کو ژ ئەگەرێ کێمیا ڤیتامین سی دروست دبیت، ئەڤەژی ژئەگەرێ وێ چەندێ ڤیتامین سی پێدڤیە بۆ دروستبوونا کۆلاجینێ بهێز کو خوینبەران ب ساخلهم دهێلیت.
– کێمخوێنی: ڤیتامین سی هاریکاریا لەشی دکەت بۆ هەڵمژینا ئاسنی د خوارنێ دا، ئاسن یی پێدڤیە بۆ دروستبوونا خڕۆکێن سۆر یێن خوینێ کو ئۆکسجینس هەلدگرن.
– درەنگ چاکبوونا برینان: ڤیتامین سی یی گرنگە بۆ بەرهەمئینانا کۆلاجینی کو هاریکاریا چاکبوونا برینان ددەت، دەمێ ئاستێ وان کم دبیت، برین زێدتر ڤەدکێشن هەتا چاک دبن ئەڤەژی ژ ئەگەرێ تووشبوونێ ب هەوکرن و ئاڵۆزیێن دی زێدەدکەت.
– هەوکرنا پێدیا: کێمیا ڤیتامین سی دبیتە ئەگەرێ لاوازبوون ، هەوکرنا پێدیا، وەرمین و ئێشانا پێدیا نەساخلەم پێدڤی ب ڤیتامین سی هەیە بۆ پاراستنا هێزا خۆ و بەرهنگاربوونا بەکتریا.
– ئاریشێن گەهـ و هەستیان: کێمیا ڤیتامین سی دبیتە ئەگەری ئێشان و وەرمینا گەهان ژئەگەرێ خوینبەربوونێ ل ناڤ گەهاندا، هەروەسا کاریگەریێ ل سەر ساخلەمیا هەستیان دکەت ب لاوازکرنا ئەوی کۆلاجینی کو پشتگیریا وان دکەت، ئەڤەژی دبیتە ئەگەرێ پێتیبوون و شکەستنا هەستیان.
– ئاریشێن پیستس: دبیتە ئەگەرێ هشکبوونا پیستی و دروستبوونا پرسکێن پیستی ژئەگەرێ لاوازبوونا خوینبەران.
– لاوازیا سیستەمێ بەرگریا لەشی: ڤیتامین سی دژە ئۆکسێنەرەکێ بهێزە و هاریکاریا پاراستنا خانەیان ددەت و پاڵپشتیا سیستەمێ بەرگریا لەشی دکەت، ئەو کەسێن کێمیا ڤیتامین سیی هەی زێدەتر تووشی نەخۆشیان دبن.
