هندەک وەستگەهێن كورت ل دۆر ژیانا هونەرمەند ئەیاز یوسڤی
بەرهەڤكرن: دلۆڤان هالۆ
هونه‌رمه‌ند ئه‌یاز یوسڤ ئه‌حمه‌د ژ بنه‌ماڵا ڕه‌زڤانانه، ل ڕێكه‌ڤتى ١٩٦٠/٢/٢٠ێ ل كولانا جۆهییان ل باژێڕێ زاخۆ ژ دایك بوویه، قوناغا سه‌ره‌تایى ل قوتابخانا ئه‌حمه‌دێ خانى و قوناغا ناڤنجى ل قوتابخانا به‌درخان خواندییه، قوناغا ئاماده‌یى یا چاندنێ ب دوماهى دئینیت و ب نەچاری ل په‌یمانگه‌ها ده‌باباتان ل تكریت دهێته وه‌رگرتن، ژ به‌ر زیره‌كیا وى دبیته سه‌ركه‌ڤتیێ ئێكێ ل سه‌ر په‌یمانگه‌هێ و پلا میلازمێ ئێكێ ب ده‌ست خوە ڤه دئینیت.
هه‌ر ل قوناغا سه‌ره‌تایى حه‌زا ستران گۆتنێ ل ده‌ڤ ئه‌یازى په‌یدا دبیت، و ل قوتابخانه و جڤات و شه‌هیانان ستران دبێژیت، ل سالا ١٩٨٩ ئێكه‌م به‌رهه‌مێ خوە ل ستودیوا بابێ مێهڤانى تۆمار كر، پتری ١٥٠سترانان هەنە، گه‌له‌ك حه‌ز ژ سترانێن فۆلكلۆری دكر و نێزیكى ٥٠٠ سترانێن فۆلكلۆری ژ به‌ر بوون، كو جاره‌كێ ل شه‌هیانه‌كێ ژ سپێدێ هەتا كو درەنگی شه‌ڤ بێ دووباره سترانێن فۆلكلۆری دگۆتن.
ئه‌یاز گه‌نجه‌كێ زیره‌ك و تێگه‌هشتى بوو، بیردانكه‌كا بهێز هه‌بوو، ژبلی ستران گۆتنێ شیانێن زارڤەکرنێ ژی هەبوون، هه‌ر كه‌سه‌كێ ٥ خۆله‌كان ل ده‌ڤ ڕۆینشتبا دشیا ب دورستاهى زارڤه‌كرنا ده‌نگ و لڤینێن وى بكه‌ت، هه‌ر وه‌سان كه‌سه‌كێ بێ زیان بوو، چ جاران دلێ كه‌سێ نه د هێلا.
ل ڕێكه‌ڤتى ١٩٨٦/١/٢٠ێ ژ به‌ر گۆتنا سترانێن نه‌ته‌وه‌یى ب تایبه‌ت سروودا نه‌ورۆزێ و سترانا چ بكم ئه‌ز ل نه‌خوەشخانا مۆصلێ ڕژێما به‌عس خوینا هونەرمەند ئەیاز یوسڤی ژه‌هر كر، چونكى ئه‌گه‌ر وى بتله‌كێ خوینێ به‌خشى با دا ١٥ ڕۆژان ده‌ستویریا فه‌رمى وه‌رگریت، ژ به‌ر هندێ گه‌له‌ك جاران ژ به‌ر شه‌هیانا هه‌ڤالێن خوە بتله‌كێ خوینێ د به‌خشى، داكو ده‌ستویریێ وه‌رگریت و بچیته شه‌هیانا وان، له‌وما ڕژێمێ ئه‌ڤ ڕێكه ب ده‌لیڤه دیت كو خوینا ئه‌یازى پێ ژه‌هر بكه‌ن.
