هندەک ژ ئەگەرێن نەزۆکیێ

د. شرین سەعید
تایبەتمەندا نەخۆشیێن ژنان و زارۆکبوونێ

-1 ​نەرێکیا هۆرمۆنان:
هۆرمۆن رۆلەکێ سەرەکی دگێڕن د ڕێکخستنا عادەیا هەیڤانا و هێلکەدانانێ دا، هەر نەڕێکییەک د هەڤسەنگیا هۆرمۆناندا پەیداببیت دێ کاریگەریێن نەرێنی ل سەر زارۆکبوونێ هەبن.
-2 ​ئاریشەیێن هێلکەدانێ:
وەک کیسێن هێلکەدانێ یان لاوازیا هێلکەدانێ، ئەڤ ئاریشە دبیت بەرهەمئینانا هێکان کێم بکەن یان ببنە ئەگەرێ راوەستانا ئێکجاری یا هێلکەدانانێ.
-3 گرتنا بۆریێن فالۆپ:
هەر گرتنەک د کەنالێ فالۆپدا پەیداببیت دێ ڕێگریێ کەن کو هێک نەگەهیتە مالبچووکی، ئەڤەژی دبیتە ئەگەرێ ڕێگریێ ل دوگیانیێ.
-4 نەخۆشیێن مالبچووکی:
هەبوونا ئاریشەیێن وەک گرێ یێن لیفی (fibroids) یان نەخۆشیا ناڤپۆشیا مالبچووکی (endometriosis) دشێت کاریگەریێ ل سەر شیانێن مالبچووکی بکەت بۆ وەرگرتنا هێلکێن پیتاندی.
-5 ئەگەرێن ژینگەهێ و شێوازێن ژیانێ:
وەک جگارەکێشان، ڤەخوارنا کحولی، سترێس و بەدخۆراکی دشێن کاریگەریێن نەرێنی ل سەر زارۆکبوونێ هەبن.
-6 عەمر:
دگەل دانعەمربوونێ کوالیتیا هێلکان کێم دبیت، ئەڤەژی وەدکەت دوگیانی پشتی عەمرێ سیهـ سالیێ ب زەحمەتتر بکەڤیت.

کۆمێنتا تە