هندەک ژ مفایێن شتی
سکای نیوز یا عەرەبی د بابەتەکێدا ساخلەمیێ دا نڤیسی یە، شتی چەندین مفایێن ساخلەمیێ بۆ لەشی هەنە و دبیتە ئەگەرێ ئارامکرنا تێکچوونا ماسولکا و نەمانا ئاریشێن پیستی و ئەگەرێ توشبوونێ ب پەنجەشێرێ کێمدکەت.
لۆرین ماناکیر، تایبەتمەندا خۆراکیێ ل بەریتانیا گۆتیە “ناڤکا شتی ژێدەرەکێ باش یێ مەنگەنیز و فۆسفۆر و پۆتاسیۆم و پرۆتین و ترشیێ ئەمینی و ئاسن و زینکی یە”.
ئاماژە کریە، ئەم ماددێ خوارنێ جیاوازانە ئەرکێن مەژی و کۆئەندامی دەمار باش دکەن، فۆسفۆر ژی ناڤیا هەستیان ب ساخلەم دهێلیت و کریارا هەرسی باش دکەت.
ژلایەکێ دیڤە مایر جاکسی پسپۆڕێ خۆراکیێ راگەهاندیە، شتی رەگەزێن خۆراکیێن گرنگ تێدانە گرنگترینێ وان دژە ئۆکسانە و بەرگریێ ب هێز دکەت، مەگنیسیۆم ژی کو د ناڤکا ویدا هەیە، هۆکارە بۆ بەرهەمئینانا هێزێ د لەشیدا و باشکرنا دەمارێن خانەیان و جێگیرکرنا فشارا خوینێ.
ئەو پسپۆر دبێژیت “ئەو ترشێ چەوری یێ ل ناڤکا شتیدا هەی، ئاستێ کۆلیسترۆلێ زیانبەخش کێم دکەت و ئەگەرێ توشبوونێ ب جەڵتا دلی و مەژی کێمدکەت”.
