هنگاڤتنا محەمەد سەلاحی بوو شیرێ دو سەر
رۆژنامەیێن وەلاتێ مسرێ و ئنگلتەرا ب داخویانیێن جودا ل سەر هنگاڤتنا ستێرێ یانەیا لیڤەرپۆل و هەلبژارتیێ مسرێ شرۆڤەكرن، پشتی د یارییا بۆری دا ژ كۆپا نەتەوەیێن ئەفریكیا دگەل هەلبژارتیێ غانا تووشی هنگاڤتنێ بوویی و نەچاربووی بەری ب دووماهی هاتنا نیڤا ئێكێ ب چەند خولەكان ژ یاریگەهێ دووركەڤیت.
پرانییا رۆژنامە و جادەیا وەرزشی ل مسرێ محەمەد سلاح تاوانباركرییە ب هنگاڤتنەكا درامایی و رەڤین ژ هەلبژارتیێ وان پێخەمەت بچیتە ئنگلتەرا، ئەحمەد حوسام میدۆ هێرشبەرێ بەرێ یێ مسرێ گۆت: ئەوا سەلاحی كری شایەنی دیرۆكا وی نینە یا دروست نەبوو هەلبژارتیێ خوە هیلایی ددەمێ قارەمانیێ دا، بەرانبەر دا ستێرێ بەرێ یێ مسری هانی رەمزی دیاركر هەلبژارتیێ مسرێ ژ محەمەد سەلاحی مەزنترە.
ژلایەكێ دووڤە رۆژنامەیێن ئنگلتەرایی دیاركرینە تەندرۆستییا یاریزانی گرنگترە ژ یاریكرنێ و ئەو یێ پێگێرە ب گرێبەستا خوە دگەل یانەیا لیڤەرپۆل ئەوا هاتییە كرن سرۆشتییە هەر یاریزانەك دێ وەكەت، ژلایێ خوەڤە راهێنەرێ لیڤەرپۆل دیاركر محەمەد سەلاح باشتر دزانیت پێدڤی ب چو یە و مە داخواز ژێ نە كرییە بهێت، لێ پێشبینی دكەم هەكە مسر چو پێش دووماهیێ دێ ڤەگەڕیت.
