هه‌تاكو نوكه هونه‌ر نه‌شایه ببیته پاریێ ژیانێ بۆ من
ئه‌ڤرۆ نیۆز،زنار تۆڤى:
سترانبێژ دیار ئاسلان د دیداره‌كێ دا ل سه‌ر هونه‌رێ خوه بۆ ئه‌ڤرۆ نیۆز دیاركر:ل سالا 2002 من ده‌ست ب كارێ سترانگۆتنێ كریه و هه‌تاكو نوكه من 4 كلیپ چێكرینه و هه‌روه‌سا ئه‌ز ژ بابێ خوه فه‌خره‌دین محه‌مه‌دى فێرى سترانگۆتنێ بوویمه،ژبه‌ركو بابێ من سترانێن فلكلۆرى دگۆتن،له‌ورا ئه‌ز ژى پتر حه‌ز ژ سترانێن فلكلۆرى دكه‌م و من چه‌ندین ستران بۆ خوه ژ وى گرتینه و گۆت ژى:هه‌ر چه‌نده ژ ئه‌گه‌رێ بنده‌ستیا وه‌لاتێ مه هونه‌رێ مه یێ كوردى ژى به‌رزه‌بوویه،گه‌له‌ك سترانبێژێن مه ژ هونه‌رێ كوردى دووركه‌فتینه و خزمه‌تا هونه‌رێ كوردى ناكه‌ن،ژبه‌ركو وان ستایلێن بیانى ئیناینه دناڤ هونه‌رێ كوردیدا و وان تام و خۆشیا هونه‌ر و سترانا كوردى ژى به‌رزه‌كریه و هه‌روه‌سا هنده‌ك سترانبیژ هه‌نه بتنێ وان دڤێت ل تیڤیان ده‌ر بكه‌ڤن و مه‌ره‌ما وان نه خزمه‌تكرنا هونه‌رێ كوردیه و بتنێ مه‌ره‌ما وان خوه ل سه‌ر شاشێن تیڤیان نمایش بكه‌ن،چونكى هه‌كه هونه‌رێ مرۆڤى خزمه‌تا وه‌لاتێ مرۆڤى نه‌كه‌ت ئه‌و نه هونه‌رى،چونكى هونه‌ر بتنێ خوه هه‌لاڤێتن و له‌یزاندن نینه،هه‌ر چه‌نده هه‌تاكو نوكه هونه‌ر نه‌شیایه مه ب خودان بكه‌ت و نه‌بوویه پاریێ ژیانێ ژى.هێشتا دبێژیت:بۆ ئه‌ڤ ساله من ل به‌ره سێ سترانێن نوو كلیپ بكه‌م،كو هه‌ر سێ سترانێن یێن فلكلۆرێ ده‌ڤه‌را مه‌نه،هه‌ر چه‌نده ره‌وشا من یا دارایى ژى یا باش نینه،لێ دێ هه‌ر خزمه‌تا هونه‌رێ كوردى كه‌م،هه‌روه‌سا نوكه تورك سانسۆرێ د ئێخنه ل سه‌ر كارێ مه و ئه‌م نه‌شێن سترانێن وه‌لاتپارێزى بێژین و ترس ل سه‌ر مه هه‌یه،دیسا من پشكدارى د به‌رنامێ كورد ئایدول دا كریه و هه‌روه‌سا ئه‌ز ئایرێ سازێ و باغله‌مێ و عۆدێ و جمبشێ گیتارێ دژه‌نم و پتر ئه‌ز كارى ل سه رمۆزیكێ دكه‌م،ئه‌و چه‌ند ژى دیاركر:ئه‌ز حه‌ز دكه‌م سترانه‌كا دویت ل گه‌ل خانما سترانبێژ ژیندا گێنجۆ بێژم و ئه‌ز گه‌له‌ك حه‌ز ژ ڤى جۆرێ سترانێ ژى دكه‌م.
دیار ئاسلان خه‌لكێ قامیشلۆیه ل رۆژئاڤایێ كوردستانێ و ئه‌ڤه 7 ساله ل باژێرێ جزیرێ ل باكۆرێ كوردستانێ دژیت.
