هه‌تا نوكه كه‌سێ پشته‌ڤانیا من نه‌كریه
زاخۆ، عه‌لی حاجی:
شێوه‌كارا گه‌نج (شه‌هه‌د نه‌وزاد) د دیداره‌كێ دا بۆ رۆژناما ئه‌ڤرۆ دیاركر كو ده‌مه‌كه ئه‌و حه‌ز ژ چێكرنا وێنان دكه‌ت و ل ده‌ستپێكێ بتنێ وێنێن مرۆڤان چێدكرن، لێ نوكه پتر وێنێن سروشتی چێدكه‌ت، چنكو بكڕێن وان هه‌نه، و دمالا واندا دایك و خویشك، هه‌روه‌سا خالێ وێ ژی هه‌مان حه‌ز ل ده‌ف هه‌یه.
شه‌هه‌دێ گۆت: بابێ من سۆرانی یه و دایكا من عه‌ره‌به، لێ ئه‌م ل زاخۆ مه‌زن بووبنه و نوكه ژی ل وێرێ دژین، له‌ورا ده‌ستپێكا كاركرنێ دوارێ هونه‌ری دا هه‌ر ل زاخۆ بوویه، و هه‌ر چه‌نده نه ژمێژه من ده‌ست بكارێ هونه‌ری كری لێ ب رێیا سۆشیال میدیایێ من كه‌ڤالێن خوه نیشادایه و هنده‌ك ژی هاتینه فرۆتن، وه‌ك پێشانگه‌ه ژی هه‌تا نوكه ئه‌و ده‌لیڤه نه‌بوویه، به‌س د به‌رنامێ من دایه پێشانگه‌هه‌كا تایبه‌ت ڤه‌كه‌م، هه‌روه‌سا پشكداریێ د پێشانگه‌هێن هه‌ڤپشك دا بكه‌م، ل مال خێزانا من و ژده‌رڤه‌ی ژی هه‌ڤالێن من پشته‌ڤانیێ ل من دكه‌ن، لێ وه‌كو سازیێن هونه‌ری هه‌تا نوكه كه‌سێ پشته‌ڤانیا من نه‌كریه.