ههرفینا خهونا ئیمپراتوریهتێ
گوتنهك پێشینانێن كوردان ههیه دبێژت: “ئاگر بهربیه مالا یه كێ و یێ دن كهوێ خوه لبهر د براشت” ل دهستپێكا شوَرهشا گهلێن سووریا هێزێن دهڤهرێ یێن كو بهرژهوهندی د نهمانا بشار ئهسهدی دا ههین ههریهكێ بهارهك ددایه بهر دلێ خوه و نهخشه ل گوَڕهی ڤیانا خوه دكێشا و فلم ژی ل گوَڕهی حهزا خوه ب داوی د ئینا. ب تایبهتی سعودیا عهرهبی و قهتهر و توركیا مژارا كو من دڤێت ل سهر راوهستم خهونا سهروك كومارێ توركیایه رهجهب تهیب ئهردوگانه، ئارمانجا وی ژ نهمانا ئهسهد و سهركهفتنا شوَرهشا سووریا چ بوو؟ ههلبهت ل دهستپێكا بهرپابوونا شوَڕهشێ و بهری وێژی ژ كوردان دهركهڤه ئوَپوَزسیوَنا سووریا نهبوو تنێ هنك دهنگێن نزم جار جار ژ ئیخوانان دهاتن ئهوژی بێی فیتا توركیا تشتهك نهدگوتن و نهدكرن. چهندهك ژڤان ئیخوانێن سووریا ئهردوگانی كربوونه راوێژكارێن خوه ئهوان ژی نهفهل بوَ جهنابئ وی دئینایه ناڤتهنگێ و نهخشه بوَ وی ب ئهڤی رهنگی دكێشا: بهشار ئهسهد وێ بكهڤت ڤێ مههێ نه ڤێ مههێ و ئیخوان وێ دهستههلاتێ وهرگرن ل دهمێ ئیخوان دهستههلاتێ وهردگرن ئانكو ئهردوگانی دهستههلات وهرگرت ل ڤێره چهند چووچك ب بهرهكێ دێ ئێنه كوشتن. جارێ ئهگهر كار ل گوَڕهی نهخشهیا مه برێڤه بچت جهنابێ سهروك ئهڤه سێگوشهیا ئیخوانا یا ههری بهێز توركیا مسرا مورسی سوریا هاته بهرههم ههلبهت توركیا دێ سهركێشیێ كت و ب پهیدابونا ڤێ سێگوشا بهێز چهند ئارمانجێن دن وێ پێك وهرن ژ وانان بجه هاتنا خهونا ڤهگهراندنا حوكمێ سولتانیهتا ئوسمانلیان ب شیوهیهك نهراستوخوَ ب سهروَكاتیا سولتانێ سهردهم دیسان ئهڤ سێكوچه وێ ببت بهرهیهك بهێز ل ههمبهر ئیرانا شیعی و دابراندنا وێ ژ حزبولاها شیعی یا لبنانی؛ ههروهسا دهینانا توخیبهكێ بوَ خهونێن بهرفرههبوونا مهزههبێ شیعی ل وهلاتێن عهرهبی یا ژڤان ههموویان ژی گرنگتر ب پهیدابونا ڤی سێكوچێ سنیێ ئیخوانی و سهركێشیكرنا وێ ژ ئالیێ سولتانێ سهردهمڤه خهونا گهلێ كورد ژی دێ چته گوَرێ!! ب تایبهت ل روژئاڤایێ كوردستانێ راوێژكاران و بیرمهندێن ئیخوانچی ب ئهڤی رهنگی نهخشه كێشابوو و بهار ددانه بهر دلێ سهروَك كوَماری ئهڤان بیرمهند و راوێژكاران هزر وێ یهكێ كربوو كو حزبولاها لبنانی دێ هێته مهیدنێ ژبوَ پاراستنا رژێما بشار ئهسهدی بهلێ شاشیا كوژهكا ڤان راوێژكاران ئهو ب كو ئهوان بشار ئهسهد مینا زین العابدین بن علی و حسنی مبارهكی و قهزافی د حهسباند تشتێ كو ڤان راوێژكاران حهساب بوَ نهكری ئهوبوو ئهوان نهدزانی بشار ئهسهدی خودانهكی سهرسهخت و دژوار یێ ههی و دێ ژبوَ پاراستنا وی شهرێ مان و نهمانێ كت ئهوژی ئیرانه و ئهگهر هاتو ئیران وهكو گریمانهكی 1% بێژین ئیرانێ نهكاری رژێما سوریا بپارێزت، یانژی بهرژهوهندیا وێ خوهست خوه ژ ڤی شهری ڤهكێشا لێ ل وی چاخی روسیا وێ ب هێزهك مهزن وهره قادێ و ب هێزا خوه یا مهترسیدار و پێشكهفتیڤه بكهڤته د شهرێ پاراستنا رژێما دكتاتوریا سوریادا. چما؟؟ ئهگهر ئیران ژبوَ ئهتهنیهتێ یانژی بهرسڤدانا وهفاداریێ كو سوریا ل سهر دهمێ ئهسهدێ باب ل شهرێ عێراق و ئیرانێ 1980/1988 پشتگیریا ئیرانێ ل دژی عێراقێ كریه بهلێ وان راویژكاران ژبیر كر كو روسیا ههتا داویێ دێ شهری كت چنكو سووریا ژبوَ روسیا تهنها جهێ پێیه ل روَژههلاتا ناڤین و ناخوازت ئهڤ جه پێی ژ دهست بدت. لێ پشتی دیتن و پێشبینیێن راوێژكارێن جهنابێ سهروَك ئهردوگانی شاش دهركهتین وپشتی دیتین كو ئیران ب ههموو هێزا خوه یا شهری دكهت و پارێزگاریێ ژ رژێما بشار ئهسهدی دكهت و بهشار ئهسهدی خودانێن ههین و حهساباتێن وان شاش دهركهتین داخواز كرن كو دهڤهرهكا ئارام ل روَژئاڤایێ كوردستانێ ئاڤا بكن ههر هیچ نهبت رێكێ ل خهونێن گهلێ كورد بگرت ل روژئاڤایێ كوردستانێ, پشتی ههموو دیتن و پلانێن راوێژكارێن ئیخوانچیێن سهروَك ئهردوگانی ژناڤ چووین و سهرنهگرتین؛ ئینا دلێ خوه ب پلانهك دن خوهشكرن ئهوژی ئهوه كو دهڤهرهكا ئارام ل روَژئاڤایێ كوردستانێ ئاڤا بكن كو رێ لبهر خهونێن كوردان بگرن لێ ههم ئهمهریكا و ههم روسیا ب خوشبهختانهڤه ئهڤ پلانه رهت كرینه و نوكه روسیا یا هاتیه د مهیدانێدا و یاقهبێ ههموویان دخوازت و روَژانه جه و بنگههێن دهولهتا خیلافهتا ئیسلامی دكته ئارمانجێن خوه و ههموو رێكخراوێن تیروَرستی ل سووریێ توپ باران دكهت و هێزێن كوردی و سووریا دیموكراتیك روَژانه د پێشكهفتنێ دانه ئهڤان پێشكهفتنان راوێژكار و پرانیا بهرپرسێن توركیا توشی هێستریایێ كرین و خهونا ئمپراتوریهتێ بره گورستانێ.
