ههرمان سالح دێ بیته راهێنهرێ دهۆكێ
ئهڤرۆ،
دهێته چاڤهڕێ كرن د ماوێ بهێت دا كارگێریا یانا دهۆك یا وهرزشی ستاڤێ راهێنانێ یێ تیما خوه بۆ وهرزێ نوو 2022- 2023 یێ خولا پلا نایابا كوردستانێ یا تهپا پێی دهست نیشان بكهت كو پێكهاتیێ وان دێ ژ كوڕێن پارێزگههێ بیت.
ل دووڤ ژێدهرێن تایبهت بۆ رۆژناما ئهڤرۆ دیاركهن كو د رۆژێن بوری دا كارگێریا یانا دهۆك ل گهل كادرێ خوه یێ وهرزێ بۆری گههشتینه رێكهفتنا دهستپێكێ ئهوێن پێكهاتی ژ ههرمان سالح راهێنهر، جوتیار محسن راهێنهرێ گۆلپارێزان و گوهدار سهبری راهێنهرێ لهش سڤكیێ و چهستهیی لێ هێشتا ل گهل هاریكارێ وی زێرهڤان سهعدوللا نه گههشتینه چو رێكهفتنا و بڕیاره پشتی دهستنیشانكرنا هاریكارێ راهێنهری ب فهرمی گرێبهستا وان بهێته راگههاندن خوه بهرههڤكرن بۆ خولا پلا نایابا كوردستانێ ئهوا بڕیاره ههڤڕكیێن وێ دناڤ بهرا دهستپێك یان ناڤهراستا چڕیا ئێكێ یا بهێت ب پشكداریا 16 یانا بهێته ئهنجامدان.
ل دووڤ زانیاریان بابهتێ گرێبهستا فهرمی پشتی كۆمبوونا راهێنهرێ تیمێ ل گهل كارگێریا یانێ دهێته كرن ژبۆ دیاركرنا بهرنامه و پلانێن یانێ و ئارمانجا وێ د خولێ دا و دبیت تیما تهپا پێی یا یانا دهۆك د خولا پلا نایابا كوردستانێ پشتبهستنێ ل سهر كوڕێن باژێرێ خوه و گهنجان بكهت و پێشبین دهێته كرن ههتا حهفتیا بهێت ئێكهم خرڤهبوون و یهكا خوه یا راهێنانێ ئهنجامبدهت پشتی ب فهرمی گرێبهستا كادرێ راهێنانێ بهێته ئیمزاكرن.
