هه‌رمان سالح: چاما كوردستانێ چو كێمتر نینه ژ هه‌ڤڕكیا ناسناڤێ خولێ
ئه‌ڤرۆ،
د داخویانیه‌كێدا راهێنه‌رێ تیما ته‌پا پێی یا یانا دهۆكێ دیاركر كو یاریا وان یا ئه‌ڤرۆ ل گه‌ل یانا خانقین ژ چارچووڤێ كاسا كوردستانێ ده‌ستپێكه بۆ باشترین به‌رهه‌ڤیێن خولا پلا نایاب و هه‌ڤڕكیا وێ چو كێمتر نینه بۆ ناسناڤێ خولێ.
زێده‌تر هه‌رمان سالح بۆ رۆژناما ئه‌ڤرۆ گوت: ئه‌ڤرۆ دێ بیته ده‌ستپێكا ئێكێ یا پشكداریا تیما مه یا فه‌رمی د چالاكیێن ئێكه‌تیا ته‌پاپێی دا، هه‌رچه‌نده خولا پلا نایاب ده‌ستپێ نه‌كریه لێ یاریا ئه‌ڤرۆ یا جاما كوردستانێ ل گه‌ل خانقین ل باژێرێ سلێمانیێ دێ بیته باشترین تاقیكرن بۆ یاریزانێن مه و باشترین به‌رهه‌ڤی كو ئاستێ هونه‌ری و جه‌سته‌یی و شیانی یێ یاریزانا، له‌ورا دڤێت ب هه‌ستیار سه‌ره‌ده‌ریێ ل گه‌ل ڤێ یاریێ بكه‌ین و كێماتیێ بۆ تیما به‌رامبه‌ر نه‌دانین و جاما كوردستانێ وه‌كو گرنگ ل ده‌ڤ مه دهێته هژمارتن و چو كێمتر نابیت ژ هه‌ڤڕكیا ناسناڤێ خولێ و دێ هه‌موو بزاڤا كه‌ین ب گه‌هینه ئارمانجا خوه.
ژ یاریێن دی یێن یانێن پارێزگه‌هێ ،ئه‌ڤرۆ زاخۆ دێ بیته مێڤانا ئاشتی ل باژێرێ سلێمانیێ، سێمێل دێ مێڤانداریا ئارارات كه‌ت و ئاكرێ ل یاریگه‌ها خوه مێڤانداریا پێشمه‌رگه‌یا هه‌ولێرێ كه‌ت، ته‌ناهی ل یاریگه‌ها زانكویا دهۆك مێڤانداریا چه‌مچه‌مال كه‌ت، شه‌قلاوه دێ بیته مێڤانا به‌رده‌ره‌ش و گاره دێ ل یاریگه‌ها خوه نه‌وروز مێڤان كه‌ت.
