هه‌رێما كوردستانێ بۆ ئه‌نداما ئینستیتۆیا جیهانى یا شانۆیێ
ئه‌ڤرۆ نیۆز،زنار تۆڤى:
ئه‌ڤ ساله هه‌رێما كوردستانێ ژى بۆ ئه‌نداما ئینستیتۆیا جیهانى یا شانۆیێ دا و دڤى وارى دا شانۆكار ئیحسان ئۆسمان بۆ ئه‌ڤرۆ نیۆز دیاركر:به‌رى چه‌ندین سالان ئه‌ز ب بوومه ئه‌ندامێ فه‌خرى یێ ئینستیتۆیا جیهانى یا شانۆیێ،كو ئه‌ڤ ئینستیتۆیه سه‌ر ب یۆنسكۆ ڤه‌یه و سه‌نته‌رێ وێ ل پاریسه ل فرنسا،هه‌روه‌سا بتنێ ده‌وله‌تێن سه‌ربه‌خۆ ل جیهانێ ئه‌ندامن دڤێ ئینستیتۆیێ دا،لێ پشتى من داخواز پێشكێشى وه‌لاتێن ئه‌ندام یێن وه‌كو ئه‌لمانیا و ئیتالیا و نه‌مسا و چه‌ندین وه‌لاتێن دى یێن جیهانێ كرى،كو كوردستان ژى ببیته ئه‌ندام تێدا،وان وه‌لاتان ژى داخوازا من وه‌رگرتن و نوكه هه‌رێما كوردستانێ ژى بوویه ئه‌ندامه‌كا كارا د ئینستیتۆیا جیهانى یا شانۆیێ دا،هه‌ر چه‌نده وه‌لاتێن وه‌كو عێراق و سوریا و توركیا دژایه‌تیا مه دكه‌ن كو ئه‌م ببینه ئه‌ندامێن ڤێ رێكخراوێ و دیاركر ژى:ژ ئه‌ڤرۆ پێڤه ئالایێ كوردستانێ ژى دێ وه‌كو ئالایێن هه‌موو وه‌لاتێن كو ئه‌ندام دڤێ ئینستیتۆیێ دا دێ هێته بلندكرن و هه‌روه‌سا ئه‌ڤ ساله كونفرانسێ ڤێ ئینستیتۆیێ دێ ل وه‌لاتێ ئیسپانیا ل 12_17/7/2017 ل باژێره‌كێ نێزیك مه‌درید هێته گێران.
شانۆكارێ كورد ئیحسان ئۆسمان زێده‌تر دبێژیت:ئه‌ڤ ساله لیژنه‌یه‌كا شانۆیێ ژ هه‌رێما كوردستانێ ژى دێ پشكداریێ د ڤى كونفرانسى دا كه‌ت و دیسان پشتى هه‌رێما كوردستانێ بوویه ئه‌ندامه‌كا كارا،نوكه كورده‌ك دشێت ببیته سه‌رۆكێ ڤێ ئینستیتۆیێ،هه‌روه‌سا سالانه ئه‌ڤ ئینستیتۆیه 100 فیسته‌ڤالێن شانۆیێ ل جیهانێ رێك دئێخیت و دیسا هه‌ر كه‌سه‌كێ ئه‌ندام بیت دڤێ رێكخراوێ دا ئه‌ڤ رێكخراوه دێ به‌ره‌ڤانیێ ژ مافێن وى كه‌ت،هه‌روه‌سا هه‌ر وه‌لاته‌كێ ئه‌ندام بیت دڤێ ئینستیتۆیێ دا ئه‌ڤ رێكخراوه دێ هاریكاریان د وارێ شانۆیێ دا بۆ پێشكیش كه‌ت.
