ههرێم و پهرلهمان و دهسههلات!
شهوكهت ئامێدی/ سوید
ل دهسپێكێ بۆ بێهندرێژیا ههمی پارت و لایهنێن كوردستانی، ههژى دهستخۆشیێ نه، ژ بۆ ئێهتیهكا نهتهوهیی د پهرلهمانێ كوردستانێ دا، لێ مخابن ههڤالێن ئێكهتی نشتیمانی د خولهكێن دووماهیێ دا پشكدار نهبوون. ب كورتی و ب كوردی. ئهزێ پشتراستم، ئهڤ بڕیاره و ب دههان بڕیارێن دی. نه بڕیارێن ههمی جهماوهرێ ئێكهتیێ نه، لێ مخابن ئهڤرۆ ل ههر دهڤهرهكێ ل جیهانێ و ب تایبهت ل ههرێما كوردستانێ. هێز ل سهر ههر تشتهكی یه، ژ داد و یاسا ههتا پارت و بازار و جڤاكان. ههر وهك من بهری چهند ههیڤان دیاركری، ئهگهر پارتی ههمی پۆستێن سیادی بدهته برایێن ئێكهتی. ئیران و ههڤالگرێن وێ ل ههرێمێ دێ ئاستهنگان نه بهس ل بهر كۆمبوونێن پهرلهمانی، بهلێ ههر كارهكێ پێشكهفتی و نهتهوهیی ل ههرێمێ دێ ل بن پێكهن، چنكی هندهكان ئهو پهزێ ڤهكوشتی ژ بۆ وێ مێلاكێ، باشه ب دههان كۆمبوون و وهرگرتنا ب ملیۆنان دۆلار ژ بۆ هنده كهسان. نه بهس پیلانا شانزدهی ئۆكتووبهرێ بوو؟ نه شاش تێنهگههن، ئهو پارچهكا بچووكه ژ پاكیتا مهزن، باشه دهمێ ئێكهتی ژ چهمكێ زۆرینه یا نهڕازیه، بۆچی نابیته ئۆپۆزسیۆنهكا ب هێز؟ مادهم مهبهست خزمهته، چ دهسههلات، چ ئۆپۆزیسیۆن، دێ ژ بۆ مللهتی ڕۆهن بیت كا كی یێ د خزمهتا كوردستانێ دا! بهلێ كا ئیتفاقا سیاسی؟ كا شهراكهتا ڕاستهقینه؟ كا ڕێككهفتنێن ئیداری و ڕامیاری؟ كا بهرپرسایهتیا 51% ئاخا دابڕای ژ ههرێمێ؟ كا بهرپرسایهتیا دودلیا جڤاكی؟ باشه كونسلێ ئیرانی (سهعدوڵلا مهسعودیان) ل سولهیمانیێ، ژ كێ زانی ئێكهتی گومانا ههی؟، كا ئهو ههمی واژوو و كۆمبوون و دهمكوشتن؟ ئهڤه ههمی د زڤریتهڤه ژ نهبوونا كێم باوهری د ناڤبهرا پارتان دا و د ناڤبهرا پارتان و مللهتی، ل ڤێره بێ گومان دێ ئاستی نهتهوهیی و خۆشهوستیا جڤاكێ ژ بۆ خوه و وهڵاتی وهكی خوه نامینیت. د ئهڤان كاودانێن ڕۆژههلاتا ناڤی و ههرێم تێدا. كا ئهڤه دهمێ ئهڤێ ئێكێ یه؟ ئافهرین سیاسهتمهدارێن كوردان، باشه دهسههلاتا ساڤایه، بهلێ هوون ههمی یێن پیربین د ڤان شاشی و دوبارهكرنا بێ مفادا. ل 1996 ب هزاران ژ ئێك و دو دانه كوشتن. سهرا دهرگههێ ئیبراهیم خهلیل. نوكهژی هندهك د ئامادهنه. ئهوی پهرێ ڕهش نۆكهنهڤه بۆ ژ ناڤبرنا ههمی ههرێمێ، ئهرێ مانهبهسسه؟ ههر ژ بیرێن گازی ههتا دارێن تابیتا یێن د دهستێ ههوهدا. ما بیرا ههوه ناهێت دهمێ زۆربهی ژ ههوه ل توركیا و ئیران و تیرانان و خهلكهكی خێر ل گهل ههوه دكرن؟. بهلێ ئهگهر هات و مه دهسههلات و ئۆپۆزسیۆنهكا ب هێز ههبوو. پهرلهمان ب جڤاك ڤه دێ داخوازا سۆپا و ئاسایشهكا ب هێز و ئێكگرتی كهت، ئهگهر ئهڤه بوو، دێ بێدهنگی و دادوهری بهرقڕار بیت ژ لایهكێ دیڤه ل پاشهرۆژی ههرێم ب قانوون و هێزڤه دێ شێت داخوازا كۆنفیدرالی كهت، ژ لایهكێ دیڤه دهسههلات و پله و پارێن هنده لایانان وهك بهری نامینن. ئهڤهژی نه د خزمهتا دهسههلاتا بهغدا نه یا ئیرانێ نه هنده لایانان دا نینه. پهیڤهكا دل ئێشه لێ دیرۆكێ یا دیاركری. ههتا نوكه هێشتا هێزێن كوردان ئهوێن خودان دهسههلات وهسا فێرنهبووینه كو دو كهس ب ئێك یاری یاریێ بكهن، بێ كێشه و شهر و پێكدادان. ئهڤهژی دزڤریتهڤه ژ بۆ لاوازیا پهروهردا شۆرهشڤانی د دیرۆكا كوردی دا. چارهسهر ژ پێدڤی بیركرن و بێهنهكا درێژتر ل گهل ئێك. حهتا لایهنهك ڕاستهخوه یان نه ڕاستهخوه جاشاتی ژی بكهت. پێدڤیه كهسانهك ههبن ئهڤی ئاگری ڤهمرینن، چنكی مللهتێ مه یێ ههژار و بێگونههـ ڕاگرتنا چو براكوژیێن دی ناكهت.
