ههر ئالیهكێ سیاسى ل عیراقێ بگههیته دهستههلاتى دبیته گهندهل
دیاره كێشه و ئالۆزیێن عیراقێ بووینه بابهتێن رۆژانه و ئهكید ئێدى ناهێنه ڤهشارتن، ئانكو بهانه و بهرهڤانى لێ بهێته كرن ژبهركو ئهڤرۆ خهلكێ عیراقێ ب وێ پێكهاتا خوهڤه یێ ژ مان و نهمانا خوه بێزار بوویه، چونكه رۆژێن وان نابۆرن بێ كوشتن و رهڤاندن، لهوا وهسا تهنگاڤ بووینه و كار گههشتیه وێ یهكێ ئهڤرۆ شهرم ژ پێناسه و عیراقیهتا خوه بكهن، چونكه ئهوێ مێژوویا بۆرى هیچ خێر و خۆشیهك نههاتیه نیشادان و ئهو كارهسات و دهردهسهریێن گهلێن عیراقێ ل ژێر وان سیبهرێن ههین دیتن، وهكو شاشا تهلهڤزیۆنێ ل پێش چاڤێ وانن و ئهو دیمهنێن ژیانا بۆرى ههمى ب خوینێ هاتیه ناڤكرن ژ ئهگهرێن وان دهستههلاتێن بهرێ نههێلایه خهلكێ عیراقێ بێ شهر و كوشتن بژین ب تنێ مهترسی و كوشتنا خهلكێ عیراقێ بوویه ئارمانج، لهورا ئهڤرۆ ژى خهلكێ عیراقێ چ بهرسڤهك نینه كو بهرهڤانیێ ژ خوه و دهستههلاتێن ههین بكهن، چونكی ههر دهستههلاتهكا هاتى پهنا بریه وێرانكارى و رهڤاندنا خهلكێ عیراقێ، چونكی ههر دهسههلاتهكا كورسیا عیراقێ گرتى شیرێ كوشتن و دهرێخستنا گهلێن عیراقێ بۆ خوه كریه بهرنامه چونكی ئهو دهلیڤه خۆش نهكریه كو خهلكێ عیراقێ بێ ترس و بێ جیاوازی پێكڤه بژین، داكو ئهڤ خهلكه ههست ب نیشتمان و پێناسهیا خوه بكهن بۆ هندێ ئهو دهولهتا فرهلایهن و ئازاد ههبیت و بهرۆڤاژى كارێ ههر دهسههلاتهكێ بوویه دژایهتى و دوژمناهیا خهلكێ عیراقێ بێ جوداهى نههێلایه ئهڤ خهلكه بێهنا خوه ڤهكهت داكو ئازاد بژین، چونكه ههول و دیتنێن وان مهترسى و دوبهرهكیا نهتهوایهتى و مهزههبى دروست بكهن بۆ هندێ ئهو باوهرى پهیدا نهبیت ئهڤ خهلكه تهنا بژیت و هیچ كهس و لایهك نهبیته ههڤركێ دهستههلاتێ، لهوا خهلكێ عیراقێ چ دهمهكى ژ خوین رشتنێ رزگار نهبووینه و ههمى گاڤهكێ عیراق د شهر و ململانێ دا بوویه و دهربهدهرى بوویه كارێ ژیانا وان ژ بهر هندێ خهلكێ عیراقێ ڤان دیمهنێت ئهڤرۆ دبینن ئهكید گهلهك شهرمێ ژوێ عیراقیهتا ههى دكهن ژبهركو ئهڤرۆ ناڤ ودهنگێ عیراقێ ب خوین بارینى تێته ناسكرن وههلبهت ئهڤاههدیاردكهت دهسههلاتدارێن عیراقێ ژبهر كێش ڤهكێشا دهسههلاتى پشتاخودایه خهلكێ عیراقێ و كارێ وان بوویه دزین و دژایهتیا ههڤدو راستیا ڤێ ههر دهستههلاتهكا كورسى گرتى ئێكسهر ئالایێ دوژمناهى و رهڤاندنێ بلند كریه ژبهرهندێ خهلكێ عیراقێ ب شێوهیهكێ گشتى ل وان سهرهدهریێن دهسههلاتا تێر بوونه ژبهركو هندهك هیڤى ههبوون كو پشتى گهۆرینا دكتاتۆریهتا سهدام و بهعسیا دێ دهست ب ژیانهكا نوو بكهن بۆ هندێ لاپهرهكێ دى بۆ گهلێن عیراقێ بهێته ڤهكرن و ههمى پێكڤه بینه خودانێ ئاڤاكرنا عیراقهكا نوو، داكو چیرۆك و سهرهاتیێن بهرێ دووباره نهبن، ئهكید ڤێ خهونێ ل ریكهفتى (9-4-2003) بۆ گهلێن عیراقێ كره راستى و راستیا وێ ب ڤێ چهندێ دل خۆشبوون كو دێ رۆژهكا نوو ل وهلاتێ عیراقێ گهش بیت بۆ وێ یهكێ ئهو ئێش و ئازارێن بهرێ بهێنه ژبیركرن و ههمى ئالیهك تێ بگههیت شهر و كوشتن جهێ ئازادى و مرۆڤایهتى ناگریت داكو كار ل سهر عیراقهكا ئێكگرتى بێتهكرن و دگهل وێ ژى كارێ دیموكراتیكرن و وهكههڤى بهێتهكرن داكو بیته رێگریهك ل وێ زورداریا جارا ههى و ئهو عیراقا خهلكى دڤێت دروست ببیت و هیچ لایهك ئێدى بیر ل كوشتن سهپاندنێ نهكهت بۆ هندێ برایهتى و مرۆڤایهتى ببن بنگههێ لێبۆرین و پێكڤهژیانا خهلكهكى بڤێت داكو ئێدى خهلكێ عیراقێ تووشى ئاورێن قركرنێ نهبن و ههروهسا خوه دیرى ههڤركیا نهتهوایهتى و تایفى بكهن بۆ وێ یهكێ عیراقهكا نووخواز و پێشكهتى ههبیت داكو شارستانیهت و خۆشگوزارى ل عیراقێ بهێته پێش و خهلكێ وى بهرهف جڤاكهكێ سڤیل ڤه بچیت و گاڤێن ژیانهكا مودێرن بهێته ئاڤێتن، بهلێ بهرپرس و رایهدارێن عیراقێ ئهڤه نهكر، داكو ئهو مێژوویا پرى نههامهت و دهردهسهرى دووباره نهبیت و بزانن ج هاتیه سهرێ خهلكێ عیراقێ بۆ هندێ بهس بیت یاریكرن ب چارهنڤێسێ خهلكى، چونكه دوژمن و داگیركهران نههێلایه ئهڤ خهلكه تهنا بژیت و فشار و گڤاشتنێن وان بهردهوام بوون داكو جه و وارێن خوه چول بكهن، ئانكو داینه رهڤاندن لهوا ئیرۆ كوشتن و سهربرین بوویه كارهكێ ئاسان و ههروهسا بۆ خهلكهكێ دیار بوو ئهڤ دهسههلاتێن نوكه هیچ بهندهك بۆ خوه ژ وان دهسههلاتێن بهرێ نهوهرگرت و ب تایبهتى پشتى گهۆرینا دهسههلاتا بهعسیا داكو بشێن وێ عیراقا خهلكهكى دڤێت ئاڤا بكهن و بهرۆڤاژى ڤێ یهكێ كهتنه دووڤ تولڤهكرنێن بهرێ بهرامبهرى ههڤدو لهوا ئهو سیاسهتێن ئهڤرۆ ژى دگههن دهسههلاتێ ئارمانجا سهرهكیا وێ دبیته ههڤركى و شكاندنا ئالێ بهرامبهر و ڤێ راستیێ دیار كریه ههر ئالیهك دژى ئالیێ دى كار دكهت لهوا بیر ل ئازادى و مرۆڤایهتیێ نههاتیهكرن چونكه كار و بهرنامهێن وان بوویه شهرێ نهتهوایهتى و مهزههبى ژبهر ڤێ یهكێ خهلكێ عیراقێ ب شێوهیهكێ گشتى نهفرهتێ ل ڤێ ژیانێ دكهن، ژبهركو رۆژ نابۆریت كوشتن و سهرژێكرن ب سهرێ خهلكهكێ نههێت و بێگومان بۆ ڤێ چهندێ چ لایهكى خوه ل كێشه و داخوازیێن گهلێ عیراقێ نهكریه خودان، لهوا رهوشا عیراقێ گههشتیه ئاستێ خرابوونێ و دگهل ڤێ ژى ئهوا جهێ مخابنیێ ئهڤهیه ئهو عیراقا ب زهنگینیێ هاتیه ناڤكرن ئهڤرۆ خهلكهكێ بیانى خێر و خێراتێن وێ پێ بژین، چونكه ئهڤه نێزیكى چارده سالێن پشتى گهۆرینا دهستههلاتا بهعسیا بۆرین هێشتا خهلكێ عیراقێ بێ ئاڤ و بێ كارهب دژین سهرهراى كاڤل كاریا رۆژانه تێته دیتن و دهسههلاتداریا عیراقێ كارێ وان بوویه دژایهتى و خرابكرنا عیراقێ و چ دادپهروهرى پهیدا نهكریه و راستیا ڤێ ناهێته ڤهشارتن ب ملیاران دولار كهتیه د دهستێ دهسههلاتداریا عیراقێ دا، بهلێ نههاتیه زانین ئهڤ پاره بۆ چ هاتینه سهرفكرن و هیچ تشتهك دیار نهبوویه تهنها لێكڤهكرن و دزیا پارهى نهبیت، چونكه ئهو دهسههلاتا كورسى گرتى تێرا خوه دهوروبهرێ خوه برینه و ئهڤ خهلكێ دى ژى بهرێ خوه دهنێ بێ بههر ماینه، لهوا ئهڤ دیمهنێن ئیرۆ تێنه دیتن ژیان ل خهلكى تارى كریه، ژ بهرڤێ یهكێ ههرو شهرێ دزیێ تێتهكرن و ژئالیهكێ دی ڤه دڤێت ئهو ژى بهێته زانین و خویاكرن ئهڤ دهستههلاتێن دگههنه حوكمرانیێ ههر ئێك ل دووڤ ئاراسته و ڤیانا دهولهتهكا ههرێمى كار دكهن، لهوا گهلێن عیراقێ كهتینه د مهترسى و ڤێ رهوشێ دا، ئهگهر راستى بێتهگۆتن ئهو بوونه ئهگهرێ هاتن و گهشهكرنا تیرۆرستێن داعشێ تاكو سهروبهر بگههیته ڤى ئاستى و دلوڤانى بهرامبهرى خهلكێ عیراقێ نههاتیه نیشادان، ههر یا ڤیای خهلكێ عیراقێ بهرهف ههژارى و كاڤلكاریێ ببهن.
