هه‌ر سه‌ركه‌فتنه‌ك پێدڤی ب قوربانیێ یه
ئه‌ڤرۆ، ره‌مه‌زان هه‌رنی:
هاوكارێ شێوه‌كار، د دیداره‌كێ دا بۆ رۆژناما ئه‌ڤرۆ گۆت: هه‌ر كاره‌كێ مرۆڤ بكه‌ت پێدڤیه ژبلی به‌هره‌یا مرۆڤی هه‌ی حه‌ز ژی هه‌بیت بۆ كاری دا كو بشێت ئه‌نجامێن باش ب ده‌ستڤه بینیت و هه‌كه حه‌ز و ڤیان و شیان ل گه‌ل نه‌بن سه‌ركه‌فتنێ ب ده‌ستڤه نائینت.
هاوكاری گۆت: بۆ هه‌ر سه‌ركه‌فتنه‌كێ مرۆڤ پێدڤی ب قوربانیدانێ هه‌یه له‌وما هه‌كه من سه‌ركه‌فتن ڤیا پێدڤه ب قوربانیدانێ ژی رازیبم، نوكه ژبلی چێكرنا كه‌ڤالان گه‌له‌ك حه‌ز ژ چێكرنا وێنێن سه‌ر دیواران ژی دكه‌م. هه‌روه‌سا من حه‌زه‌كا دی ژی یه ئه‌و ژی هاژۆتنا پایسكلێ یه و من گه‌شت بۆ هه‌موو پارێزگه‌هێن هه‌رێما كوردستانێ ئه‌نجامداینه و جاره‌كێ ژی هه‌ر ب پایسكلێ ئه‌ز چوویمه ولاتی توركیا.
