هه‌ر فه‌رمانبه‌ره‌كێ ڤاكسینێ وه‌رنه‌گریت نه‌شێت ده‌وامێ بكه‌ت
ئه‌ڤرۆ:
وه‌زاره‌تا داد یا حوكمه‌تا هه‌رێما كوردستانێ دیار كر، هه‌ر فه‌رمانبه‌ره‌ك د هه‌ر پله و پۆسته‌كی دا بیت، هه‌تا 1/1/2022 ڤاكسینا دژی كۆرۆنایێ نه‌دانیت نه‌شێت ده‌وامێ بكه‌ت.
وه‌زاره‌تا داد یا حوكمه‌تا هه‌رێما كوردستانێ د وێ گشتاندنێ دا كو ئیمزا فه‌رسه‌ت ئه‌حمه‌د عه‌بدوللا، وه‌زیرێ داد ل سه‌ره، تێدا خویا ژی كریه كو چو وه‌لاتی ژی پشتی 1/1/2022 نه‌شێن سه‌ره‌دانا چو رێڤه‌به‌رییه‌كێ بكه‌ن بۆ ئه‌نجامدانا كاره‌كی هه‌كه كارتا ڤاكسینا دژی كۆرۆنایێ د گه‌ل دا نه‌بیت.
وه‌زاره‌تێ ئاشكرا ژی كریه، د ده‌مێ بجه نه‌ئینانا ناڤه‌رۆكا ڤێ گشتاندنێ دا، لێپرسین ل گه‌ل سه‌رۆك و به‌رپرسێ فه‌رمانگه‌هێ دێ هێته كرن.
