هه‌ر نوشداره‌كێ پێگیریێ ب ده‌وامێ نه‌كه‌ت دێ هێته سزادان
ئه‌ڤرۆ نیوز، عه‌لى حاجى:
رێڤه‌به‌رێ ساخله‌میا زاخۆ دداخویانیه‌كێ دا بۆ ئه‌ڤرۆ نیوز ئاشكرا كر هه‌ر نوشداره‌كێ پێگیر نه‌بیت ب ده‌واما فه‌رمى یا روژانه دێ هێته سزادان و پێدڤیه هه‌مى پێگیربن و خزمه‌تا هاولاتیان دابن.
دكتور قه‌ره‌نى سه‌عید زێده‌تر گوت: (ژ بۆ وێ یه‌كێ زێده‌تر نوشدارێن نه‌خوشخانه‌یێن زاخۆ پێگیر بن ب بریارا ئه‌نجوومه‌نێ وه‌زیران و پێگیرێ ب ده‌وامێ بكه‌ن، مه كومبوونه‌ك ژى ئه‌نجام دایه دگه‌ل نوشداران، ڤێجا هه‌ر نوشداره‌كێ پێگیر نه‌بیت ب پێگیریا ده‌واما فه‌رمى ل نه‌خوشخانه و بنگه‌هێن ساخله‌میێ ل زاخۆ دێ ب سزایێن كارگێرى هێته سزادان ، هه‌ر دیسان دڤێ چه‌ندێ دا دێ چاڤدێریێ كه‌ین و دێ دیڤچوونێن مه دبه‌رده‌وام بن).
