هه‌ر وه‌به‌رهێنه‌ره‌كێ د ده‌مێ دیار كری دا پرۆژه‌ی تمام نه‌كه دێ هێته سزاكرن
سه‌رۆكێ ده‌سته‌یا وه‌به‌رهێنانێ ل هه‌رێما كوردستانێ دیار كر، ژ نوكه وێڤه هه‌ر پرۆژه‌كێ د ده‌مێ خوه یێ دیاركری دا نه‌هێته تمامكرن، ئه‌و وه‌به‌رهێنه‌رێ پرۆژه‌ی ئه‌نجام دده‌ت، ب سزایه‌كێ دارایی یێ گران دێ هێته سزاكرن.
دكتۆر محه‌مه‌د شوكری، سه‌رۆكێ ده‌سته‌یا وه‌به‌رهێنانێ ل هه‌رێما كوردستانێ خویا كر وان وه‌كو ده‌سته‌یا وه‌به‌رهێنانێ، بڕیاره‌كا نوو بۆ وان وه‌به‌رهێنه‌رێن پرۆژان وه‌ردگرن ده‌رئێخستیه و گۆت: “دڤێت ئه‌و وه‌به‌رهێنه‌رێن پرۆژان وه‌ردگرن، د ده‌مێ قانوونی یێ بۆ هاتیه دیاركرن دا، پرۆژه‌ی تمام بكه‌ن و نابیت ده‌می ب سه‌رڤه ببه‌ن”.
گۆتژی: ” هه‌ر وه‌به‌رهێنه‌ره‌كێ د ده‌مێ دیاركری دا تمام نه‌كه‌ت، دێ ب سزایه‌كێ دارایی یێ گران هێته سزاكرن، ئه‌ڤ بڕیاره ژی دێ وه‌به‌رهێنه‌ران نه‌چار كه‌ت پرۆژان د ده‌مێ خوه دا تمام بكه‌ن”.
