هه‌ر ژنه‌كا بگه‌هیته ژیێ 45 سالیێ پێدڤیه پشكنینا مه‌موڤوگرافی بو سینگێ خوه بكه‌ت
ئه‌ڤرو،سولین إبراهیم سمو:
د.حه‌مدی عصمه‌ت رێكانی، تایبه‌تمه‌ندێ تیشك و سونارێ دیاردكه‌ت مه‌موگرافی ته‌كنیكه‌كه دهێته ب كارئینان بو نه‌خوشیێن سینگی ئه‌وژی ب رێكا تیشكا X ray ، ب شێوه‌یه‌كێ گشتی مه‌موگرافی دو جور یێن هه‌ین جوره‌ك دهێته ب كارئینان بو ده‌ستنیشانكرنێ وجورێ دی دبێژنێ (screening) ب كارئینان سكرینینكێ مه‌موگراڤی ئه‌وه ده‌مێ ژن دهێت نه رامانا وێ ئه‌وه نه‌خوشیه‌ك هه‌یه، به‌لێ به‌رێخودده‌نێ كا نه‌خوشیه‌ك د سینگی دا هه‌یه یان نه و بو هه‌موو ته‌مه‌نان ناهێته ب كارئینان بتنێ بو ته‌مه‌نه‌كێ دیاركری و هه‌ر وه‌لاته‌كی یان ده‌وله‌ته‌كێ جودایه بو نموونه ل ئه‌مریكا ژ ته‌مه‌نێ 45 سالی ده‌سپێدكه‌ت هه‌تا 54 سالی، پێدڤیه هه‌ر سێ تا پێنج سالان دوباره پشكنینێ بكه‌ته‌ڤه و ژته‌مه‌نێ 55 سالی و سه‌رداتر پێدڤیه هه‌ر دو سالان جاره‌كێ پشكنین كه‌ت، جورێ دوێ مه‌موگرافیا (تشخیصی) ژی ئه‌وه ده‌مێ نه‌خوشی ئاریشه‌ك هه‌بیت دسینگی دا ئه‌وژی دهێته ب كارئینان بو ده‌ستنیشانكرنێ كا چاوا ئه‌م سونارێ یان ره‌نینێ ب كار دئینین بو دیاركرنا نه‌خوشیا نه‌خوشی، هه‌روه‌سا مه‌موگرافی وه‌كی وان دهێته ب كارئینان و هوسا دێ دیاربیتن كا گرێیا نه‌خوشی یا پاقژه یان هه‌ودانه‌كه، مفایێن مه‌موگرافی ئه‌وه ده‌مێ ژن دهێت و مه‌موگرافی بو چێدكه‌ین كێشه‌یه‌ك هه‌بیت د سینگی دا هندی زووتر بهێته دیاركرن دێ چاره‌سه‌ریا وێ ب ساناهی تر بیت، چونكی ئه‌گه‌ر دیاربوو نه‌خۆشیا په‌نجه‌شێرێ دسینگی دا و هێش قوناغا ده‌سپێكێ بیت چاره‌سه‌ریا وێ دێ باشتر و زووتر بیت و نه‌خوش ب ته‌مامی بهێته چاره‌سه‌ركرن، به‌لێ ئه‌گه‌ر زوی ب نه‌خوشیێ ئاگه‌ه نه‌بوو دبیت نه‌خوشیا په‌نجه‌شێرێ بگه‌هیته قوناغا دووماهیێ و چ چاره‌سه‌ری ژی مفای ناگه‌هیننێ.
