هه‌كه كۆمپیۆته‌رێ ته خاڤ ببیت ئه‌و ژ به‌ر ڤی ئه‌گه‌ری یه
ئه‌ڤرۆ:
ده‌ما ویندوزی بۆ ده‌مه‌كێ درێژ بكاردئینی پشتی فورماتێ، دێ بینی هنده‌ك ئاریشه دروست دبن، ژ وان ژی به‌رنامه زوو ڤه‌نابن، بۆ چاره‌كرنا ئاریشێ دێ ئه‌گه‌رێ سه‌ره‌كی ده‌ست نیشان كه‌ین كو ئه‌و ژی خزمه‌تا superfetch یا كو دبیته ئه‌گه‌رێ ڤێ چه‌ندێ.
ل ده‌ستپێكێ ته‌كنیكا superfetch ژ لایێ كۆمپانیا مایكروسوفت ڤه هاتیه كارا كرن پشتی كو سیسته‌مێ ڤێستا كه‌فتیه كاری ل نووكرنێن خوه یێن دووماهیێ كارێ ڤێ ته‌كنیكێ ئه‌وه به‌رنامێن ویندوزی ب له‌ز ب ڤه‌مرینیت، به‌لێ زیانێن وێ پترن ژ مفایێن وێ ب تایبه‌ت هه‌كه ویندوزی بۆ ماوه‌كێ زێده بكار بینن پشتی فورماتا ئێكێ، ب ره‌نگه‌كێ گه‌له‌ك خاڤ دیار دكه‌ت خوه بۆ ڤه‌مراندنێ ژی ب تایبه‌ت هه‌كه گرێدایی گرافیكێ بن به‌رنامێن بكارئینه‌ران. دیسا بكارئینانا میموری ل گه‌ل ویندوزی كارێ ل گه‌ل وی ب زه‌حمه‌تر لێ دكه‌ت.
دیسا ویندوزی خزمه‌ته‌كا دی یا هه‌یی كار دكه‌ت ب هه‌ڤسه‌نگی ل گه‌ل superfetch كو ته‌كنیكا ReadyBoost ی یه كو ئه‌ڤه فایلێن كاركرنێ و نڤیسنگه‌هی یێن به‌رناما دئینیت و ددانیته د ناڤ رامی دا، ل ده‌سپێكێ به‌ری كاركرنا به‌رنامێ سه‌ره‌كی، ئه‌ڤه ب تنێ ل وی ده‌می كار دكه‌ت هه‌كه رامی رێژه‌كا ده‌ستنیشانكری یا جهی هه‌بیت.
باشنتر ئه‌وه هه‌كه ته ئه‌ڤ ئاریشه هه‌بیت تو ته‌كنیكا superfetch بگری كو ب ڤێ رێیا ل خوارێ یه:
ده‌ستپێكێ دێ چیه د ناڤ خزمه‌تێن ویندوزی دا، پشتی كلیكێ ل سه‌ر دوگما ویندوزی و + R دكه‌ی و ل services.msc د گه‌ری.
پاشان دێ ل لیستا خزمه‌تان ل سه‌ر خزمه‌تا superfetch ده‌ستنیشان كه‌ی
پشتی كلیك دكه‌ی دێ په‌نجه‌ره‌ك ڤه‌بیت و وێ خزمه‌تێ گرین ب رێیا Disabled
پاشان دێ كۆمپیۆته‌ری ریستارت كه‌ین و دێ جوداهیه‌كا گه‌له‌ك مه‌زن ل گه‌ل به‌ری نها بینی. بۆ زانین ڤه‌مراندنا ڤێ ته‌كنیكی چو كارتێكرنێ ل كارێ ویندوزی ناكه‌ت.
