هه‌كه لاپتۆپی گه‌له‌ك بكاردئینی هشیاری ڤان ئاریشێن ساخله‌میێ ببه
ئه‌ڤرۆ، زانست:
ژ پشتی هاتنا په‌ژیكا كۆرۆنایێ و هه‌تا نها بكارئینانا لاپتۆپی د زێده‌بوونێ دایه و ب تایبه‌ت ژی دووباره ئه‌ڤ پێله یا سه‌ر هل دده‌ته‌ڤه، ژ به‌ر هندێ ژی ئێدی چ بۆ خواندن یان بۆ كاری ده‌مه‌كێ زێده‌تر ل سه‌ر لاپتۆپی دهێته بۆراندن و گه‌له‌ك كار هه‌ر ب تنێ ب رێیا ئونلاین و لاپتۆپی دهێنه كرن.
– رانێت ته هه‌تا پێیا بلا د راست بن ل سه‌ر ئێك ئاست هه‌تا چووكا
روونشتن ل سه‌ر كورسیكێ و هه‌ردوپێن مرۆڤی ژ رانی هه‌تا چووكا ل ئێك ئاستدبیت ببیته ئه‌گه‌رێ وێ چه‌ندێ هه‌ست ب راحه‌تێ بكه‌یی و گڤاشتن ژی ل سه‌ر ته و بڕبڕا پشتێ كێمتر لێ بهێت، به‌لێ كێمبوونا گڤاشتن یان فشارێ ل سه‌ر پارچه‌كا له‌شی دبیت ببیته ئه‌گه‌ر ل سه‌ر پارچێن دی یێن له‌شی زێده ببیت. ئه‌ڤه ژی دبیت ببیته ئه‌گه‌رێ وه‌ستیانا پێیان و بڕبِرا پشتێ و حه‌وزا مرۆڤی.
باشترین رێ روونشتنا ل سه‌ر كورسیێ یه وه‌كو مه گۆتی ب ره‌نگه‌كی كو هه‌ردو پێن ته ل راستا ئێك بن و ل سه‌ر ئه‌ردی بن دا كو فشار ل سه‌ر كێم ببیت.
پشت خواركرن:
ئه‌ڤه ژی ژ ئه‌گه‌رێ نه‌مانا هه‌ڤسه‌نگیا زه‌ڤله‌كان د ناڤبه‌را سه‌ری و ملان دا. ئه‌ڤجا هه‌كه تو ل پشت مێزێ د روونی بۆ ده‌مێن درێژ، یا ب ساناهی یه تووشی پشت خواربوونێ ببی ژ به‌ر كو هه‌ر ناڤبه‌ر ناڤبه‌ر تو بزاڤێ دكه‌ی شێوازێ خوه یێ روونشتنێ ب گوهۆڕی. ئه‌ڤ پشت خواربوونه ژی ب درێژاهیا ده‌می دبیته ئه‌گه‌رێ گوهۆڕینێ د بڕبڕا پشتێ دا و فشار ژی پتر دكه‌ڤیته سه‌ر زه‌فله‌كان و ستووی و ئه‌ڤه ژی دبیته ئه‌گه‌رێ سه‌ر ئێشان و بێن ته‌نگیێ.
چاره‌سه‌ری ژی بكارئینانا لاپتۆپی یه ب ره‌نگه‌كێ دروست و ئه‌نجامدانا راهێنانێن وه‌رزشی یێن ب هێزكرنا زه‌ڤله‌كان و راست ب راوه‌ستی ل ده‌مێ كاركرنێ یان ژی پیه‌ك خۆ خوار بكه‌یی، به‌لێ نه گه‌له‌ك.
كورسیا نه‌یا گۆنجایی:
روونشتن ل وی هه‌موو ده‌می ل سه‌ر كورسیه‌كا نه‌یا ئارام كارتێكرنێن زێده‌تر ل سه‌ر ساخله‌میێ دكه‌ت و خرابیێ زێده‌تر لێ دكه‌ت و دبیته ئه‌گه‌رێ ئێشانا درێژخایه‌ن د پشتێ و ستووی و ملی دا و ئاریشێن ئالاڤێ هه‌رسكرنێ.
ماوێ روونشتنێ و كێم لیڤینێ:
له‌ش ل ده‌مێ راوه‌ستیانێ ب ره‌نگه‌كێ باشتر كار دكه‌ت و نها دبێژنه روونشتنا درێژ “جگاره‌كێشانا نوو” ژ ئه‌نجامێ شوونووارێن نه‌رێنی ل سه‌ر ساخله‌میا له‌شی، ژ به‌ر هندێ یا گرنگه هه‌ر 30 ده‌قیقان ل سه‌ر لاپتۆپی رابی و له‌شێ خوه ب لڤینی چو ب رێیا وه‌رزشێ بیت یان ژی ب رێڤه‌چوون یان ژی هه‌ر تشته‌ك بیت كو هاریكار بیت بۆ نه‌هێلانا وێ فشارا ل سه‌ر له‌شێ ته.
