هه‌كه پلاكێ چارجكرنا مۆبایلێ هه‌لكری بمینیت دێ چ چێبیت؟
گه‌له‌ك جاران پرسیارێن زۆر د وارێ ته‌كنۆلۆژیایێ دا دهێنه كرن، به‌لێ د راستی دا، ئه‌ڤه هه‌موو پرسیارێن گرنگن بۆ ده‌ست خستنا پێزانینان ل سه‌ر بابه‌تێن گرێدایی ته‌كنۆلۆژیێ یێن گرنگ.
هه‌كه ئه‌م به‌حس ل كێبلێ چارچكرنا مۆبایلێ بكه‌ین، د راستی دا هنده‌ك هزر دكه‌ن تشته‌كێ نه‌یێ گرنگه، به‌لێ د راستی دا ئامیره‌كێ گرنگه و بێ هه‌بوونا وی گه‌له‌ك مۆبایل نه‌شێن كار بكه‌ن. یان ژی بێژین چو مۆبایل چونكو ئه‌وێن وایرلێس ژی دهێنه پڕ كرن هه‌ر ب رێیا ئامیره‌كی دهێنه پڕ كرن و ئه‌و ئامیر ب كاره‌بێ دهێته گرێدان.
هه‌بوونا كێبل و سه‌ره‌پلاكه‌كێ باش گره‌نتیا باشیرا پاتریا مۆبایلێ یه بۆ ده‌مه‌كێ درێژتر. هه‌ر مه‌ترسیا كاره‌بێ ل سه‌ر مۆبایلێ كێم دكه‌ت و هه‌ر ژی ب ره‌نگه‌كێ باشتر پاتریێ پڕ دكه‌ت.
هه‌كه ئه‌م به‌حس ل بابه‌تێ خۆ بكه‌ین، به‌لێ پلاكێ هه‌لكری و وایرا پركرنا پاتریا مۆبایلێ تێدا، كاره‌بێ دبه‌ت یان نه.
ژ به‌ر كو ئامیره و وایره ب كاره‌بێ ڤه دگرێداینه و پلاك یێ هه‌لكریه، ئه‌ڤجا هه‌كه خۆ مۆبایل تێدا ژی نه‌بیت كاره‌بێ د مه‌زێخیت. ئه‌ڤه ژی ب «مه‌زاختنا ڤه‌شارتی» دهێته هژمارتن. ژ به‌ر كو هه‌ر ده‌مێ سه‌ره‌پلاك و وایره د كاره‌بێ دابن، ئه‌و به‌رده‌وام كاره‌بێ وه‌ردگرن هه‌كه خوه ڤه‌نه‌گوهێزنه مۆبایلێ ژی.
به‌لێ خۆشبه‌ختانه رێژا مه‌زاختنا كاره‌بێ ل وان ده‌مان گه‌له‌ك یا كێمه ب تایبه‌ت ئه‌ڤ ئامیرێن نوو یێن ل سه‌ر شیانێن هێزێ كار دكه‌ن. به‌لێ هه‌كه ب ئامیرێن كه‌ڤن بیت، چو پێ نه‌ڤێت دێ پتر كاره‌بێ مه‌زێخیت، به‌لێ ب ره‌نگه‌كی یه هه‌كه وه‌لاته‌كێ ئورۆپی بكه‌ینه نموونه دبیت هه‌یڤێ هه‌موویێ یێ هه‌لكری بیت نه‌بیته كۆژمێ دۆلاره‌كی ژ به‌ر هندێ ژی گه‌له‌ك ب گرنگی ناهێته وه‌رگرتن.
تشتێ ل ڤێره گرنگ ئه‌و كو گه‌له‌ك باشتره ئه‌ڤ پلاكه بهێته ڤه‌مراندن چونكو ل كوردستانێ و ل گه‌ل هاتنوچوونا كاره‌بێ و نه‌بنه‌جهیا وێ دبیت ل وی ده‌می وایره ل سه‌ر جهه‌كێ هه‌ستیار بیت یان ژی هه‌تا جهه‌كێ نورمال ژی، به‌لێ ببیته ئه‌گه‌رێ روودانه‌كا دلته‌زین یا ئاگر به‌ربوونێ و ئه‌ڤ حاله‌ته پێشتر ژی رووداینه.
