هه‌كه ژ نوكه و پێڤه ئابده‌یتا ئه‌ندرۆید بۆ ته نه‌هات نه ئاریشه‌یه
ئه‌ڤرۆ، زانست:
ل ده‌مێ كرینا مۆبایله‌كا نوو، چو پێ نه‌ڤێت دێ زانی ئه‌ڤه ب درێژاهیا هه‌موو كاركرنا خوه، پێدڤی ب ئابده‌یتایه، ئه‌ڤ ئابده‌یته ژی كار ل سه‌ر باشتركرنا كێماسی و ئاریشێن ئه‌منی، دیسا بۆ زێده‌كرنا ساخله‌تێن نوو ژی. هه‌كه مۆبایلا ته ڤان ئابده‌یتا وه‌رناگریت، خوه بێن ته‌نگ نه‌كه ل ڤێره دێ بۆ ته ئه‌گه‌ران دیار كه‌ین.
ئابده‌یتێن سیسته‌مێ ئه‌ندرۆید نه دگرنگن:
دڤێت تو ب زانی كو ب ره‌نگه‌كێ گشتی ئابده‌یتێن گرنگ ئه‌ون یێن تایبه‌ت ب ئه‌منیه‌ت و چاره‌كرنا كێماسیان. ئه‌ڤه ژی هندێ دگه‌هینیت كو ئابده‌یتێن سیسته‌می ل ده‌مێ ل به‌ر ده‌ست نه‌بن، مۆبایلا ته دێ سرۆشتی كار كه‌ت و چو ئاریشه تێدا نینن.
تو دشێی بگه‌هیه ساخله‌تان بێ ئابده‌یت
هه‌موو كه‌س نزانن كو رێیا گه‌هشتنا ساخله‌تێن نوو د مۆبایلێ دا ب تنێ ب ئابده‌یتێن فه‌رمی ڤه یا گرێدایی نینه، د راستی دا پتریا ئه‌پلیكه‌یشنا ل سه‌ر گۆگل پله‌ی ساخله‌تێن جودا دده‌ن بێ كو پێدڤی ب ئابده‌یتان ببی.
دبیت ئابده‌یت ئاریشان بۆ مۆبایلێ دروست بكه‌ت
هه‌كه ته پێزانینێن هوور ل سه‌ر ته‌كنۆلۆژیایێ هه‌بن دێ زانی كو هنده‌ك به‌رنامه یێن هه‌ین ته نه‌چار دكه‌ن كو تو ئابده‌یت بكه‌یی، بۆ نمۆنه هنده‌ك تشتێن گرێدایی به‌رنامه و سیسته‌مێ مۆبایلێ و هه‌كه مۆبایلا ته یا كه‌ڤن و كێم جهێ ڤالا بیت، دبیت ببیته ئه‌گه‌رێ خاڤكرن و ژناڤچوونێ.
ل دووماهیێ ئه‌ڤه گرنگترین خال بوون ئه‌وێن تو هزر تێدا دكه‌یی هه‌كه تله‌فۆنا ته یا ئه‌ندرۆید ئابده‌یت بۆ نه‌هاتن.
