هه‌لبژارتنێن یانێن وه‌رزشی به‌رده‌وامن و گوهۆرین په‌یدابووینه
ئه‌ڤرۆ،
ژبۆ ده‌ستنیشانكرنا ده‌سته‌كا نوو یا كارگێریێن یانا بۆ چار سالێن بهێت پرۆسێسا هه‌لبژارتێن یانێن وه‌رزشی ل كوردستانێ ب گشتی و پارێزگه‌ها دهۆكێ تایبه‌تی به‌رده‌وامه ئه‌وا ب سه‌رپه‌رشتیا رێڤه‌به‌ریا گشتی یا وه‌رزشی ل هه‌رێمێ دهێته بڕێڤه‌برن، ل پارێزگه‌ها دهۆكێ هه‌تا نوكه ژ سه‌رجه‌مێ 13 یانا پێنچ ژوان هه‌لبژارتنێن خوه ئه‌نجامداینه و ئه‌ڤرۆ ژی هه‌تا 30ێ ڤێ هه‌یڤێ دی به‌رده‌وامبن.
پشتی پرۆسێسا ده‌نگدانێ ژلایێ ده‌سته‌كا گشتی هاتینه كرن ئه‌نجامێن ده‌ستنیشانكرنا كارگێریێ یا هه‌ر پێنچ یانێن ل حه‌فتیا بوری بڤی ره‌نگی بوون.
یانا پۆلیته‌كنیك، ئاری عادل، سه‌ركه‌فت ره‌شید، ئه‌حمه‌د جه‌لال، شیلان موسا، دارا سلێمان، ئۆمێد محه‌مه‌د و كارزان عه‌ونی، یانا میدیا بۆ خودانێن پێدڤیێن تایبه‌ت ئه‌وژی، شێرزاد حه‌مید، حه‌مید تاهر، وه‌حید سه‌عید، شڤان سه‌عید، سه‌عدی شه‌عبان، یانا ئافره‌تێن دهۆكێ، چریسك یونس، ناله سۆپه‌ر، زنار زوبێر، سارا سه‌ربه‌ست، لانا سه‌ربه‌ست، یانا به‌رده‌ره‌ش پیروان كه‌ریم، ناسر كاكل، سه‌میر عه‌بدولقادر، زه‌هدا عه‌بدولقادر، ئه‌رده‌لان محه‌مه‌د، كارزان عارف و شه‌مسدین محیه‌دین، هه‌روه‌سان یانا شێخان، فازل فاخر، عومه‌ر جرجیس، عومه‌ر فخری، به‌یدا خه‌یری، شیمال حه‌مید و مه‌هدی سالح.
د داخویانیه‌كێدا سه‌فه‌ر جه‌عفه‌ر سه‌رۆكێ لژنا هه‌لبژارتنان ل رێڤه‌به‌ریا وه‌رزشی یا پارێزگه‌ها دهۆك بۆ رۆژناما ئه‌ڤرۆ گوت: د حه‌فتیا بوری دا پرۆسێسا هه‌لبژارتنان ب شێوه‌كێ شه‌فاف و لدووڤ رێنمایێن هاتینه ده‌ستنیشانكرن ژلایێ رێڤه‌به‌ریا گشتی یا وه‌رزشی یا هه‌ریمێ بڕێڤه‌چوون كو بێ ئاریشه و گازنده و چو سكالا نه هاتینه تۆماركرن، هه‌لبژارتنێن یانا ته‌ناهی و زاخۆ بۆ ده‌مه‌كێ نه دیار هاتنه پاشئێخستن، بڕیاره ڤێ حه‌فتیێ ژی به‌رده‌وامبن و ئه‌ڤرۆ دێ یانا گاره هه‌لبژارتنان ئه‌نجامده‌ن.
