هه‌لبژارتيێ عيراقێ دێ دو ياريێن هه‌ڤالينى ئه‌نجام ده‌ت
ئه‌ڤرۆ نيوز:
ئێكه‌تيا ناڤه‌ندى يا ته‌پا پێ ل عيراقێ ئاشكه‌را كر كو هه‌لبژارتيێ عيراقێ يێ ئێكێ دێ دو ياريێن هه‌ڤالينى ل ئيمارات ئه‌نجام ده‌ت.
ئه‌ندامێ ئێكه‌تيا ناڤه‌ندى يا ته‌پا پێ ل عيراقێ مالح مه‌هدى بۆ شه‌فه‌ق نيوز گۆت: “ئێكه‌تيا ناڤه‌ندى بڕيار دايه دو ياريێن هه‌ڤالينى بۆ هه‌لبژارتيێ عيراقێ ل هه‌يڤا ئادارا بهێت ل ئيمارات رێك بێخيت”.
زێده‌تر گۆت: “ئێك ژ وان ياريێن هه‌ڤالينى دێ ل هه‌مبه‌ر هه‌لبژارتيه‌كێ ئه‌فريقى بيت، به‌لێ هێشتا نه‌هاتينه ده‌ستنيشانكرن دێ ل گه‌ل كێ بن”.
هه‌لبژارتيێ عيراقێ شيابوو ل رێزا چارێ بهێت د قاره‌مانيا كاسا ئێكه‌تيا ئاسيا يا ته‌پا پێ دا ئه‌وا ل ئوستراليا هاتيه ئه‌نجام دان.
