هه‌لبژارتیێ لاوێن ئیراقێ كه‌مپێ خوه ل دهۆكێ دانا
ئه‌ڤرۆ،
د داخویانیه‌كێ دا سه‌رۆكێ ئێكه‌تیا باسكێت بۆلا پارێزگه‌ها دهۆكێ دیاركر دوهی هه‌لبژارتیێ ئیراقێ ل سه‌ر ئاستێ لاوان كه‌مپێ خوه یێ راهێنانێ ل باژێرێ دهۆكێ دانا خوه به‌رهه‌ڤكرن بۆ قاره‌مانیا رۆژئاڤا ئاسیا ئه‌وا دهێته چاڤه‌ڕێ كرن هه‌ڤڕكیێن وێ ل وه‌لاتێ سوریا بهێته ئه‌نجامدان.
زێده‌تر سه‌ردار سالح بۆ رۆژناما ئه‌ڤرۆ گۆت: بۆ ماوێ هه‌شت رۆژان هه‌لبژارتیێ لاوێن ئیراقێ دێ كه‌مپێ خوه ل دهۆكێ دانیت و هه‌ردو هۆلێن وه‌رزشی یێن یانا دهۆك و كۆلیژا چه‌سته‌یی و زانستێن وه‌رزشی بۆ راهێنانێن وان به‌رهه‌ڤ بیت پێخه‌مه‌ت كه‌مپه‌كێ سه‌ركه‌فتی به‌ری پشكداریێ د قاره‌مانیا رۆژئاڤا ئاسیا دا بكه‌ن ئه‌وا دێ ب سه‌رپه‌رشتیا راهێنه‌رێ جورجیایێ جورج گازنیان و هاریكارێ وی یێ پارێزگه‌هێ و باژێرێ زاخۆ جوتیار عه‌لی و هاریكارێ دویێ حه‌یده‌ر جومعه بیت و دیسان چار یاریزانێن كورد دناڤ پێكهاتیێ تیمێ دانه ژوان دو یێن پارێزگه‌هێ ئه‌وژی سوفیان ئیبراهیم و زنار هوشیار كوڕێن باژێرێ زاخۆ نه.
ژلایه‌كێ دووڤه ناڤهاتی ئه‌وچه‌نده ژی دیاركر باژێرێ دهۆكێ بوویه ئێك ژ خالێن سه‌ره‌كی یێن پلان و به‌رهه‌ڤیێن هه‌ر تیمه‌كا باسكێت بۆلا ئیراقێ و به‌ری ماوه‌یه‌كی هه‌لبژارتیێ پێشكه‌فتیان ژی كه‌مپێ خوه دانابوو، ئه‌ڤچه‌نده وێ دگه‌هینت كو مه ژێرخانه‌یا وه‌رزشی به‌رده‌سته و ئێكه‌تیا باسكێت بۆلێ و نوونه‌راتیا دهۆك یا لژنا ئۆلمپی یا كوردستانێ و یانێن وه‌رزشی هه‌رده‌م هاریكار بووینه و گه‌شبینن دێ كه‌ڤیته دخزمه‌تا پێشكه‌فتنا وه‌رزشا پارێزگه‌هێ ژی دا.
