هه‌لبژارتیێ كوردستانێ ب چار گولان خوساره‌ت بوو
ئه‌ڤرۆ نیوز، هه‌ژار مه‌عروف:
هه‌لبژارتیێ هه‌رێما كوردستانێ یێ ته‌پا پێ د ئێكه‌م یاریا خوه یا هه‌ڤالینى دا توشى خوساره‌تیێ بوو ل سه‌ر ده‌ستێ یانا زێره‌ڤانى ب چار گولان به‌رامبه‌ر دو گولان.
ل نیڤا ئێكێ ژ ڤێ یاریێ ب وه‌كهه‌ڤیا هه‌ردو تیمان ب دووماهى هاتبوو ب دو گولان ، ل نیڤا دوێ دا تیما زێره‌ڤانى شیابوو دو گولێن دى توماربكه‌ت و یاریێ د به‌رژوه‌ندیا خوه دا ب چار گولان به‌رامبه‌ر دو گولان ب دووماهى بینت.
هه‌ژى گوتنێ یه گولێن یانا زێره‌ڤانى ژلایێ یاریكه‌ران ئه‌یوب ئه‌یاد، موئه‌ید محه‌مه‌د، میران كه‌ریم و بژار كه‌ریم هاتنه توماركرن و هه‌ردو گولێن هه‌لبژارتیێ كوردستانێ ژلایێ عه‌بدوللا محه‌مه‌د و رامیار عه‌بدوللا هاتبوونه توماركرن.
