هه‌لگرا پێنج ناسناڤان خوه ژ خولێ ڤه‌كێشا
ئه‌ڤرۆ نیوز، هه‌ژار مه‌عروف:
ژبه‌ر ئه‌و قه‌یرانا دارایى ئه‌وا نوكه یانا دهۆك تێدا دبوریت ده‌سته‌یا كارگێریا یانێ ب فه‌رمى راگه‌هاند ئه‌وان خوه ژ خولا باسكت بولا عیراقێ ڤه‌كێشا .
ل دور ڤى بابه‌تى سه‌روكێ یانێ كاوه فه‌یسل د داخویانیه‌كێ دا گوت: ژبه‌ركو نوكه یانه د قه‌یرانه‌كا دارایى دا دبوریت ئه‌و نه‌چار بوون خوه ب فه‌رمى ژ خولێ ڤه‌كێشن ژبه‌ركو د شیانێن كارگێریا یانێ دا نینه ل ڤى ده‌مى ئه‌وان هه‌ڤبه‌ست و مه‌زاختین یاریكه‌ران ب جه بینت.
تیما دهۆك ئه‌وا ل شه‌ش وه‌رزێن بورى پێنج جاران ناسناڤێ خولا عیراقێ ب ده‌ستخوڤه برى و ئه‌ڤ ساله ژى نوونه‌را ئێكانه یا عیراقێ یه د قاره‌مانیا ئاسیا دا، سه‌روكێ یانێ ئه‌و چه‌نده ژى دیاركر ئه‌وان ئێكه‌تیا باسكت بولا عیراقێ ئاگادار كرى یه كو ره‌وشا یانێ ب ڤى ره‌نگى یه و ئه‌و نه‌شێن به‌رده‌وامى ب ده‌نه هه‌ڤركیێن خولێ و قاره‌مانیا ئاسیا ژى
