هه‌موو ئه‌ندامێن خێزانێ ژحه‌زژێكه‌رێن هونه‌ری نه
دهۆك، شاكر ئه‌تروشی:
ره‌وان سه‌عید، به‌هره‌مه‌نده‌كێ خه‌لكێ دهۆكێ یه، ژیێ وی بیست و ئێك سالن، ژبه‌ركو برایێ وی سترانبێژ بوو، وی ژی دژیه‌كێ بچووكدا ده‌ست ب كارێ هونه‌ری كریه و پشكداری د چێكرنا چه‌ند كلیپان دا كریه، هه‌تا نوكه كارێ ده‌رهێنانێ بۆ سێ كلیپان كریه، و نوكه هنده‌ك كلیپێن دی درێزێ دانه.
ره‌وان عبید عمر، كو برایێ سترانبێژ (رامان عبید) بۆ ئه‌ڤرۆ گۆت: ژبه‌ركو برایێ من سترانبێژبوو، هه‌روه‌سا هه‌موو مالامه پشته‌ڤان و حه‌زژێكه‌رێن هونه‌ری نه، له‌ورا دژیه‌كێ بچووك دا من ژی ده‌ستپێكر و ل ده‌ستپێكێ هنده‌ك پشكدارێن بچووك د چێكرنا كلیپان دا كرن، پشتی باوه‌ری بۆ من چێبووی كو دێ شێم بكارێ ده‌رهێنانێ رابم ل سالا 2020 من كارێ ده‌رهێنانێ بۆ سێ كلیپان كر، كو ئێك ژوان یا برایێ من بوو، وه‌ك پرۆژه ژی هنده‌ك كلیپ و كارێن نوو ل به‌ر ده‌ست هه‌نه، هه‌روه‌سا ژبلی كارێ هونه‌ری ئه‌ڤ ساله د هه‌یڤا ره‌مه‌زانێ دا من پشكداری دبه‌رنامه‌كێ خێرخوازی دا كر، هه‌روه‌سا نوكه ئه‌ندامم ل گه‌ل رێكخراوه‌كا خێرخواز و نوكه مژوولی ئه‌نجامدانا كاره‌كێ مه‌زنینن بۆ خه‌لكێ دهۆكێ و ل نێزیك دێ راگه‌هینین.
